Fisnik Ismajli: Kush hyp shpejt, bie shpejt

nga **Agim Gashi** Mon Jun 09, 2014 11:47 am

Fisnik Ismajli, nga Lëvizja Vetëvendosje, si gjithnjë është shumë aktiv në rrjetet sociale. Pas rezultateve preliminare, Ismajli përmes një statusi në Facebook, ka treguar se është i kënaqur me rezultatet e arritshme, dhe se sipas tij, “Kush hyp shpejt, bie shpejt”.

Më poshtë, po ju sjellim postimin e Ismajlit në Facebook:

Miq e dashamirë, asnji subjekt i ri politik deri tash s'ka pasë rritje në dy zgjedhje rradhazi. Lëvizja e ka thye këtë fenomen, që tregon se na jemi këtu për ma gjatë, edhe jemi seriozë.
Sivjet kemi me pasë gati dyfish ma shumë deputetë, e shumë ma cilesorë, që kanë me e ba Kuvendin e Kosovës edhe ma të zjarrtë, këtë ju sigurojmë.
Asnjë rritje e shpejtë nuk është e qëndrueshme. Nuk thojnë badihava "Kush hyp shpejt, bie shpejt", e çdo rritje e vërtetë i ka dhimbtë e veta, e na bashkë i tejkalojmë ato ma lehtë.
Puna edhe suksesi në Komunën e Prishtinës, bashkë me aktivizmin e shtuem në Kuvend edhe prezencën gjithmonë afër jush, ka me vazhdue me na rritë e forcue para çdo sfide që po na pret.
Çka s'na mbytë, veç na ban ma të fortë. Gjithmonë krenar që ju kemi afër, çdo ditë ma shumë, çdo ditë ma të fortë, gjithherë faqebardhë.
Kurrë s'kemi me e ndalë punën, kurrë s'kemi me e ndalë entuziazmin, gjithmonë bashkë. Traktorat në ara duke livrue, e fishekzjarret me i zavendësue me bukë goje.
Kemi punë, por mos të harrojmë se Hashimit iu patën dashtë 8 vjet me ardhë në pushtet, e Lëvizja është në skenën politike as 4 vjet të plota. Na kemi edhe ma shumë punë, se këtë arritje kemi me e ba me duer të pastra, kurrqysh tjetër.
Duke ju falënderue juve përherë për përkrahjen, mundin edhe dashuninë, të ndjehemi krenar se jemi të veçantë, jemi të fortë edhe jemi duke u rritë #meLevizjen.
Ju due, o njerëz të mirë. Edhe gezohem kur ju shoh çdo herë ma shumë. Vazhdojmë me i grahë punëve.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31