Naser Rugova: LDK duhet të pastrohet nga "pleqtë"

nga **Agim Gashi** Sat Jun 14, 2014 11:09 am

Anëtari i LDK’së Naser Rugova, vlerëson se nga Lidhja Demokratike e Kosovës duhet të largohen njerëzit e vjetër dhe që vendin tua lëshojnë të rinjve.
Gjithë këtë Rugova e bazon në rezultatet preliminare të zgjedhjeve të 8 qershorit, që thotë se “elektorati i LDK’së ka votuar në favor të gjeneratës së re të politikanëve brenda LDK’së dhe se i ka dënuar ata që me vite të tëra kanë përfituar në kurriz të zemërgjerësisë dhe pastërtisë së elektoratit të madh rugovian”.
Sipas Rugovës, ky rezultat është dëshmi e domosdoshmërisë së reformave dhe ndryshimeve përmbajtjesore.
Rugova pyet se si do të ishte rezultati i zgjedhjeve me 8 Qershor sikur Kryesia e LDK-së të kishte reflektuar me kohë në lidhje me këtë çështje.
Ai ka propozuar që tash e pas, duhet të mendohet për këtë gjë.
“Gjithnjë e kam thënë se nuk jam ithtar i largimit të njerëzve, sepse LDK ka nevojë për të gjithë, por ky është çasti i fundit që ta gjejmë një formulë gjithëpërfshirëse, që do ta ri-mobilizonte elektoratin tonë të shkapërderdhur nëpër shumë parti të tjera”, ka shkruar në Facebook, Naser Rugova.
Ndërsa sipas të njëjtit, reformat nuk kanë alternativë, sepse LDK është parti lokomotivë dhe jo vagon i dikujt tjetër.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30