Tentime për përshkallëzimin e protestës në Mitrovicë?

nga **Agim Gashi** Sun Jun 22, 2014 1:26 pm

“Kemi informacione se grupe të caktuar do të tentojë që të prishin, protestën paqësore me qëllim të eskalimit të dhunës në Mitrovicë”.

Këto komente I kanë bërë të dielën për ‘Koha Ditore’, udhëheqës të protestës, Labinot Musliu, Blerim Kelmendi dhe Alfred Mehmeti, pas takimit me dyer të mbyllura me Kabinetin e qeverisës në Mitrovicë. Sipas tyre protesta që do të organizohet, do të jetë paqësore, protestuesit duhet të respektojë itinerarin e protestës, pra nuk do të ofrohemi tek ura, ka thënë Musliu.

Sipas tij, janë marrë informacione nga policia dhe institucionet tjera të komunës se ka grupe që po bëjnë thirrje që kjo protestë të përshkallëzojë. Në takimet që kemi pasuar me policin dhe Institucionet tjera iu kemi bërë me dije se protesta do të jetë paqësore me mesazh që qartë që institucionet duhet ta respektojnë dhe veprojnë në bazë të ligjit.

Përmes rrjeteve sociale kemi kërkuar mbajtjen e kësaj protestë për të dielën në ora 15:00, por kemi menduar që protesta do të organizohet vetëm nga qytetarë e Mitrovicës e jo si tani që ka marr përmasa në të gjithë Kosovën ka thënë Kelmendi. Andaj, ka thënë ai, “u bëj thirrje të gjithë atyre që do të na bashkëngjitën në protestë të respektojnë itinerarin e caktuar nga organizatorët dhe policia e Kosovës”.

Pas takimi me protestuesit, Nystret Maxhera, Drejtor I Drejtorisë, për Buxhet e Financa në Mitrovicë ka deklaruar se kemi biseduar me organizator dhe jemi dakorduar që protesta të jetë e qetë dhe, ka thënë ai, besoj se kalojë pa asnjë incident.

Zëdhënësi policisë së Kosovës për rajonin e Mitrovicës Avni Zahiti, ka theksuar se policia ka bërë planin e saj të veprimit për ruajtjen e rendit dhe qetësisë për mbajtjen e protestës. Policia nuk do të lejojë që dikush nga protestuesit të dalë nga itinerari që është caktuar për lëvizje të protestuesve dhe nuk do të ketë asnjë afrim tek ura mbi lumin Ibër ka thënë Zahiti.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30