Vuçiç: Projekt për “Beogradin nën ujë"

nga **Agim Gashi** Sat Jun 28, 2014 10:42 pm

Vuçiç: Projekt për “Beogradin nën ujë" Xhami_145571807

Vuçiç: Projekt për “Beogradin nën ujë"

Emiratet e Bashkuara Arabe do të realizojnë në kryeqytetin serb projektin prej disa miliarda dollarësh, të ashtuquajtur “Beogradi nën ujë”. Kryeministri i Serbisë Aleksandar Vuçiç konfirmoi lajmin duke thënë se projekti i “Beogradit nën ujë”, do të përfundojë para fundit të vitit 2016.
Në prezantimin e projektit të madh për Beogradin, të premten, ai shtoi se "çdo gjë që ka ndodhur këto ditë është dëshmi se ai (projekti), nuk do të mbetet një ëndërr në sirtar, por në të vërtetë do të ndodhë".
Projekti gjigant dhe historik do të realizohet me ndihmën e arabëve. Investimi arab bëhet nga kompania “Eagle Hills” që udhëhiqet nga Muhamed Al Abbar, një pjesëtar i familjes mbretërore.
Tërë projekti i tillë i këtij shteti mysliman dhe i kësaj kompanie kap një shifër investimi prej më shumë se 3 miliardë dollarë. Projekti do të realizohet në një hapësirë prej 90 hektarë tokë në zonën e amfiteatrit të Savës.
Vuçiç tha se faza e parë e punimeve do të fillojë shkurtin e ardhshëm dhe se katër struktura do të ndërtohen, dy godina banimi dhe dy hotele, si dhe "qendra më e madhe tregtare në Ballkan". Vuçiç u zotua "të mos tërhiqet përpara diçkaje kaq e pastër dhe e madhe, si projekti i “Beogradit nën ujë."
Pronari i Eagle Hills, Mohamed Al Abbar, tha se projekti ishte diçka që "e ndryshon krejtësisht cilësinë e jetës në Serbi, që ndryshon ekonominë dhe perspektivat e vendit". Ai falënderoi qeverinë dhe popullin serb për besimin e tyre, dhe tha se projekte të tilla janë "provë se çdo gjë është e mundur."
Pritet që me këtë rast të ndryshojë pamja e Beogradit duke u kthyer në një metropol magjepsës që do t`i ngjasojë Abu – Dabit.

/Shekulli Online/E.H/

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31