KIM MEHMETI - DO TË VIJË DITA KUR DO T'U LOTOJË MAMAJA ATYRE QË RRINË ANASH PROTESUTESVE

nga **Agim Gashi** Sat Jul 05, 2014 1:28 pm

KIM MEHMETI - DO TË VIJË DITA KUR DO T'U LOTOJË MAMAJA ATYRE QË RRINË ANASH PROTESUTESVE

Analisti dhe shkrimtari Kim Mehmeti ka reaguar pas protestës së nxehtë në Shkup, si shenjë revolte për dënimet ndaj të akuzuarve në rastin “Monstra”. Ai thotë se nga shpërthimi i bombave lotësjellëse të hedhura mbi rininë shkupjane tani lotojnë protestuesit por do të vijë dita kur do të lotojnë nënat e atyre që rrinë anash.

Mehmeti në një postim në llogarinë e tij në Facebook, ka thënë se arsyeja pse protestuesit e nisin protestën nga oborret e xhamive e jo nga ndonjë tjetër vend, është për shkak të ngushtimit të hapësirave për rininë shqiptare të Shkupit.

Siç thotë ai, kësaj rinie nuk i takojnë hapësirat përpara institucioneve që i kontrollojnë edhe partitë shqiptare, parti për të cilat, ai thotë se janë bërë pjesë e regjimit që po do ta egërsojë rininë e pa mbrojtur as nga Shqipëria e Kosova.

Lexoni më poshtë shkrimin e plotë që shkroi Kim Mehmeti:

“Gazetarët më pyesin pse rinia shqiptare shkupjane protestat e veta i fillon nga oborret e xhamive! Po pse, u them atyre, mendoni se do u lejonte dikush, për shembull, që ata të grumbulloheshin të papenguar përpara godinës së Universitetit të Tetovës në Shkup, që e kontrollon BDI-ja, apo te sheshi i Skënderbeut që është bërë pronë e kësaj partie shqiptare, si dhe nëpër sheshet tjera me përmendoret e Car Dushanave në to, e që janë vendgrumbullim vetëm për protestuesit maqedonas!?

Andaj mos pyetni, por shkruani se rinisë më progresive të shqiptarëve të Maqedonisë, asaj shkupjane, i është ngushtuar hapësira aq sa i janë lënë vetëm lagjet e ngushta të pjesës së vjetër të Shkupit, ku jetojnë shqiptarët, se atyre qëllimisht u janë lënë vetëm oborret e xhamive, ku ata e ndjejnë se vetëm aty ende nuk është zgjatur gjithaq dora policore!

Shkruani pra se kësaj rinie nuk i takojnë hapësirat përpara institucioneve që i kontrollojnë partitë shqiptare, parti që janë bërë pjesë e këtij regjimi, regjim i cili bënë çmos ta egërsojë këtë rini, ta bëjë atë të ndjehet e pambrojtur nga askush, e pambrojtur edhe nga mëmëdhe Shqipëria e atdhe Kosova, ku njësoj si këtu, kontributi për shqiptarinë matet nëpërmjet butësisë së kolltukut ku je ulur dhe nëpërmjet peshës së monedhave që ta kanë mbushur xhepin!

Pra shkruani se nga shpërthimi i bombave lotsjellëse të hedhura mbi rininë shkupjane, tani lotojnë protestuesit, por herdo- kurdo, do vijë dita kur do u lotojë mamaja gjithë atyre që rrinë anësh e shikojnë si policia maqedonase e mbron shtetin nga rinia të cilën ata shtiren se e mbrojnë dhe e përfaqësojnë!”, shkroi ai.

www.voal-online.ch

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30