Agim Gashi: Një vit pa Poetin Ali Podrimja

nga **Agim Gashi** Tue Jul 22, 2014 1:17 am

Agim Gashi: Një vit pa Poetin Ali Podrimja

Po bëhen dy vita nga shuarja e Poetit dhe Akademikut Ali Podrimja.
Dy vite dhimbje, kujtime e meditime për vdekjen e Tij.
Vargjet e shkruara para tridhjet vitesh parandjenin këtë që i ndodhi atje në Francë. Thuase e ndjente ndarjen duke e thirrë edhe Lumin:

Ma jep besën, Lum Lumi,
se nuk do të harrojmë vendlindjen.

Pyes veten:Çfarë populli jemi ne që më shumë nderojmë e kujtojmë një një të pasur se sa një VIGAN të kulturës shqiptare.
Unë i dashur Ali sdo të të harroj kurr. Je me mua e në mua gjithmonë derisa edhe unë të vi atje ku duhet shkuar të gjithë.
Në paqë pushoftë shpirti Yt gjithmonë miku im!

AGIM GASHI-KËNGË PËR ALI PODRIMJEN

Moj sharki, pse rri e zgjueme,
E s‘e merr ti nji sy gjumë?
Jo, i dashtun, s’kem me fjetë,
Pa e krye nji t’madhe punë.

Zgjohu në kambë e harro dhimbjet,
Telat mirë me m’i shtrëngue,
Poetit t’Madh, Ali Podrimjes,
Nji kangë vaji me ia këndue.

Ah, sharki, ma e madhja mike,
Në këtë botë veç ti m’ke mbetë,
A përnjimend Ali Podrimja,
Atje n´Francë ka ndrrue jetë?

Jo, i dashtun, s’ka vdekë Aliu,
Por ka shkue në tjetër dhe,
I kish çue haber Lumi,
Me u takue të dy atje.

Shkoi te Lumi e s’kthehet ma,
Por la emnin e vepra plot,
Toka e Arbnit e kombi i tij,
Do t’i nderojnë për jetë e mot.

Ah, sharki, qofsh e bekueme,
Qajmë e këndojmë sot që të dy,
Për poetin e madh të kombit,
Ali Podrimjen dhe veprën e Tij!

27.07.2012
Düren

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31