SKËNDER BUÇPAPAJ:8 QERSHORI I TRYSNUAR-Shënimi ditor

nga **Agim Gashi** Wed Jul 23, 2014 1:07 pm

Shënimi ditor

8 QERSHORI I TRYSNUAR

Nga SKËNDER BUÇPAPAJ

SKËNDER BUÇPAPAJ:8 QERSHORI I TRYSNUAR-Shënimi ditor U2_Skender-2

Presidentja i është kundërpërgjigjur dje menjëherë shumicës së re qeverisëse të dalë nga zgjedhjet e 8 qershorit 2014 dhe i ka kërkuar asaj t'i ndalë trysnitë politike.

Koalicioni LDK-AAK-Nisma, pas takimit të djeshëm konsultativ bënte të ditur se ekziston mundësia që ta pyesin Gjykatën Kushtetuese nëse Presidentja po vepron drejt apo jo për çështjen e nominimit të mandatarit për formimin e Qeverisë. Kandidati për kryeministër nga radhët e koalicionit LDK-AAK-Nisma, Ramush Haradinaj pas takimit e ka konsideruar të çuditshëm pozicionin dhe qasjen e Presidentes ndaj rrethanave aktuale politike dhe nuk e ka përjashtuar mundësinë që çështjen ta dërgojnë në Gjykatën Kushtetuese: "Ka mundësi që ne ta pyesim Gjykatën Kushtetuese a ka vepruar drejt Presidentja që nuk e ka ushtruar të drejtën e vet për ta nominuar mandatarin, pasi që ka ndodhë seanca. Presidentja po rrezikon që ajo vetë të shkelë kushtetutën. Është një çështje e hapur, në rast se presidentja nuk e shfrytëzon kohën atëherë, do të shohim se si do të sillemi.”

E djeshmja ishte kundërpërgjigja e tretë që lë shumë vend për t'u çuditur në zhvillimet e pas 8 qershorit. Lë shumë vend për t'u çuditur fakti që presidentja i kundërpërgjigjej menjëherë vendimit të tri partive garuese në zgjedhjet e 8 qershorit për të formuar koalicion paszgjedhor dhe i drejtohej Gjykatës Kushtetuese pikërisht në kundërvënie ndaj këtij zhvillimi, i cili ishte fryt plotësisht i shëndetshëm dhe plotësisht i ligjshëm i 8 qershorit.

Lë shumë vend për t'u çuditur fakti që u hesht ndaj maskaradës së kryer nga Hashim Thaçi dhe PDK në seancën konstitutive të Kuvendit të ri të Kosovës dhe merret nga presidentja menjëherë parasysh fakti që PDK paralajmëronte se do ta çonte në Gjykatën Kushtetuese rezultatin e dalë nga kjo seancë që konstituoi Kuvendin e Kosovës me të cilën ka nisur zyrtarisht Legjislatura V e këtij Kuvendi, me të cilën Kuvendi i ri ka tashmë plotësisht statusin e Sovranit.

Lë shumë vend për t'u çuditur kundërpërgjigja flakë për flakë e presidentes ndaj paralajmërimit të shumicës së re qeverisëse për ta dërguar në Gjykatën Kushtetuese çështjen e veprimeve dhe mosveprimeve të presidentes pas 8 qershorit në lidhje me institucionet e reja të dala nga këto zgjedhje.

Sot bëhen plot 45 ditë nga 8 qershori 2014, kur Kosova shkonte në zgjedhje dhe e jepte votën e saj, pra bëhet një muaj e gjysmë. Dhe askush nuk e ka ngutur deri tashti presidenten në veprimet dhe mosveprimet e saj. Këto 45 ditë kanë qenë plotësisht, madje tej mase të mjaftueshme që Hashim Thaçi të kishte pasë krijuar shumicën qeverisëse të mëtuar, por edhe sikur 450 ditë të tjera t'ia japin në dispozicion, ai nuk e krijon dot këtë shumicë qeverisëse, ndërsa Kosova vazhdon pas 8 qershorit të jetë zyrtarisht pa institucionin e qeverisë.

Kjo ndodh në një kohë kur institucioni i presidentes është bërë aneks i Gjykatës Kushtetuese, duke e pyetur për çdo gjë. Kjo ndodh në një kohë kur Gjykata Kushtetuese është bërë aneks i PDK-së, duke bërë siç dëshiron kjo parti. Kjo ndodh kur institucioni i Kuvendit, Sovrani, është bllokuar menjëherë pas seancës konstituive.

I vetmi institucion ende në këmbë që i ka mbetur Kosovës sot është 8 qershori 2014.

Zvarritjet, vajtjet në Gjykatën Kushtetuese, bllokimi i Kuvendit, vonimi i krjimit të qeverisë së re synojnë realisht në tryesninë ndaj 8 qershorit, për ta lënë kështu Kosovën përfundimisht pa asnjë institucion. Kjo do të vinte para saj, pra para Kosovës sfidën e krijimit të institucioneve të reja nga e para.

Sepse, me rënien e 8 qershorit, do të binte edhe institucioni i votës. Qytetari i Kosovës me të drejtë vote do të humbë përfundimisht besimin tek vota. Kjo ka dhënë deri tashti abstenime masive. Tash e tutje mund të japë bojkotim masiv ndaj votës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30