Hoxhaj për herë të tretë i jep urdhër komisionit për ta graduar Uliks Emres

nga **Agim Gashi** Thu Jul 31, 2014 4:23 pm

Hoxhaj për herë të tretë i jep urdhër komisionit për ta graduar Uliks Emres

Ministri i Punëve të Jashtme, Enver Hoxhaj nuk pyet për ligje e as nuk lodhet për procedura kur është në pyetje punësimi i njerëzve të tij.
Ai tashmë është i njohur për dhjetëra skandale të kësaj natyre, por nuk e ka në plan të ndalët edhe tani kur është ministër në ikje.
Me urdhër të tij, sot për herë të tretë është mbledhur Komisioni për Grada dhe Disiplinë për t’ia bërë një vend punë në mision diplomatik ish-futbollistit dhe aktualisht zv. drejtorit të MPJ-së, Uliks Emres.
Burime të portalit “Infokusi”, kanë bërë të ditur së tani sapo është mbledhur Komisioni për Grada dhe Disiplinë për t’ia dhënë edhe një mundësi "transferit" të Emres.
Këtë herë duke rekomanduar Kroacinë, pasi Emra është refuzuar dy herë radhazi, një herë kur është propozuar për në Britani të Madhe dhe herën e dytë në Milano të Italisë.
Në të parën, sipas burimeve zyrtare Emrën e ka refuzuar ambasadori si shef misioni dhe herën e dytë si konsull i përgjithshëm në Milano ku e ka refuzuar t’ia nënshkruar ‘transferin” presidentja Jahjaga.
“Kroacia është vendi i 3-të ku pretendon të filloj misionin ish-futbollisti dhe aktualisht zv. drejtori i MPJ-së, Uliks Emra. Pas dy tentativave të para, në Britani të Madhe dhe në Milano, ku në të parën sipas burimeve zyrtare Emren e ka refuzuar ambasadori si shef misoni. Ndërsa herën e dytë si konsull i përgjithshëm në Milano ku ka refuzuar t’ia nënshkruaj transferin presidentja. MPJ-ja ka mbledhur serish sot Komisionin për Grada dhe Disiplinë për t’ia dhënë dhe një mundësi "transferi" Emres”. Kësaj radhe duke rekomanduar Kroacinë, ka treguar një burim i afërt me kabinetin e ministrit të jashtëm Enver Hoxhaj.
Hoxhaj para pak kohësh ka marrë vendim që ta ndryshojë Rregulloren për Shërbimin e Jashtëm, për t’i hapur rrugë kështu punësimit të bashkëpunëtorëve të tij në misione konsullore e diplomatike të Kosovës.
Kjo rregullore, përveç tjerash i përcakton kriteret për gradim, ndërkaq, kryediplomati kosovar ka ndryshuar nenit 9, i cili flet për “Caktimin në detyrë në formë rotacioni”.
Zyrtarët të cilët punojnë në Shërbimin e Jashtëm dhe të cilët kanë shërbyer dy vite në pozitat e tyre aktuale e plotësojnë kushtin që të shprehin interesimin për të shërbyer në detyra specifike në ambasadat dhe konsullatat jashtë vendit, është pika që Hoxhaj e ka ndryshuar për t’i hapur rrugë militantizmit të institucioneve konsullore e diplomatike të vendit.
Me ndryshimin e kësaj rregullore, gjegjësisht kësaj pike, tashmë kërkohet vetëm një vit përvojë pune, dhe jo dy siç kërkohej me “ish-rregulloren”. Me këtë veprim Hoxhaj ua ka mundësuar këshilltarëve dhe “ish-këshilltarëve” të tij që të emërohen shërbyes diplomatik në shërbimet diplomatike e konsullore të vendit.
Siç dihet, vitin e kaluar ai pati emëruar tre këshilltar të tij si ushtrues të detyrës së drejtorëve në tre departamente të ndryshme brenda MPJ-së, ndërkaq, pak kohë më vonë ai hapi konkurset dhe të njëjtit i bëri drejtorë.
Komisioni për Grada dhe Disiplinë para disa muajsh ka hartuar listën e personave për gradim në të cilën përfshihen vetëm persona të afërt të ministrit Hoxhaj dhe partisë së tij./Infokus/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30