Tërnava: Mos shkoni në Siri dhe Irak, lufta atje s’ka lidhje me fenë

nga **Agim Gashi** Mon Sep 01, 2014 8:18 pm

Tërnava: Mos shkoni në Siri dhe Irak, lufta atje s’ka lidhje me fenë

Nënkryetari i Skenderajt, Fadil Nura takoi sot kryetarin e Bashkësisë Islame të Kosovës, Naim Tërnava, në kuadër të një vizite që ky i fundit i bëri Këshillit të Bashkësisë Islame në Skenderaj.

Tërnava në takim e falenderoi Komunën e Skenderajt dhe nënkryetarin Nura për bashkëpunimin që i ka ofruar institucioneve fetare në Skenderaj.
Ai po ashtu e njoftoi Nura me aktivitetet e BIK-ut në Skenderaj dhe me procesin e ndërtimit të xhamive në disa lokalitete të Skenderajt.
Edhe një herë kryetari i BIK-ut përmes institucioneve komunale bëri thirrje drejtuar qytetarëve të Skenderajt për mosshkuarje në luftërat në Siri dhe Irak. “Shkuarja në luftra në Siri dhe Irak e qytetarëve të Kosovës është e papranueshme , prandaj ne i lusim qytetarët që të mos shkojnë në luftë, pasi atje po bëhet një luftë vëllavrasëse e pakuptimitë që s’ka lidhje me fenë”, tha Tërnava.
Ai në këtë drejtim kërkoi edhe mbështetje institucionale.
Nënkryetari i Skenderajt, Fadil Nura e falenderoi Tërnava për vizitën dhe falenderoi edhe Këshillin e BIK-ut në Skenderaj për bashkëpunimin dhe mirëkuptimin e vazhdueshëm në të gjitha aspektet, duke theksuar kontributin që po jep ky institucion në Këshillin Për Siguri në Bashkësi të Komunë së Skenderajt, pjesë e të cilit është Nexhmi Maksuti, kryetari Këshillit të BIK-ut në Skenderaj.
“Ne kemi bashkëpunim të shkëlqyeshëm me BIK-un në Skenderaj në të gjitha aspekte dhe shpresoj shumë që ky bashkëpunim të vazhdojë, pasi me punën tonë të përbashkët ne ndihmojmë qytetarët e Skenderajt. BIK-u në Skenderaj ka një rol jashtëzaakonisht pozitiv në jetën e qytetarëve tanë dhe këtë rol ne e çmojmë si institucione dhe si qytetarë”, tha Nura.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30