Ky është Imami që u duhet shqiptarëve

nga **Agim Gashi** Sun Sep 21, 2014 8:38 pm

Ky është Imami që u duhet shqiptarëve

Padyshim se Heroi i Ditës së sotme është Kryetari i Komunitetit Musliman të Shqipërisë, Skender Bruçaj, i cili u bë lajm në të gjitha mediat e botës, të cilat po përcjellin vizitën e Papës në Shqipëri. Ai ishte pjesë e Meshës së Shenjtë bashkë me udhëheqësit tjerë fetarë të Shqipërisë.

Skender Bruçaj është bërë lajm në mbarë botën me mesazhin që pa përçuar me pjesëmarrjen e tij në Meshën e Shenjtë në Tiranë, të cilën e ka udhëhequr Papa.
Me gjithë pozitën jo fort të favorshme të myslimanëve të Kosovës, Shqipërisë dhe Maqedonisë, dhe arrestimin e disa prej tyre, Bruçaj ka dhënë shembullin e udhëheqësit fetar, duke qëndruar krahë për krahë me klerikët tjerë fetarë.
Bruçaj di të flasë anglisht, turqisht, italisht e arabisht.
38 vjeçari nga Malësia e Madhe, Skender Bruçaj, ka kryer Medresenë në Stamboll si dhe ka vazhduar studimet në Institutin e Gjuhëve të Huaja të Bosforit, shkruan Gazeta Express.
Aktualisht, Bruçaj është edhe profesor në Fakultetin e Shkencave Humane në Departamentin e Shkencave Islame dhe atë të Drejtësisë në tre gjuhë: shqip, anglisht dhe turqisht.

Lexojeni të plotë biografinë e Heroit të Ditës

Skender Bruçaj ka lindur në rrethin e Malësisë së Madhe më 22 Qershor 1976.
Pasi mbaroi arsimin 8-vjeçar në vendlindje, ai u bë pjesë e kontingjentit të parë të studentëve që u nisën nga Komuniteti Mysliman i Shqipërisë drejt Turqisë në vitin 1992.
Kështu më 1996 ai kreu Medresenë Bejkoz në Stamboll, Turqi. Më pas ai kreu studimet në Institutin e Gjuhëve të Huaja pranë Universitetit të Bosforit, ku pasi mbrojti gjuhën angleze, vazhdoi studimet në Fakultetin e Shkencave Sociale – dega Psikologji.
Gjatë viteve 2010-2011 kreu studimet pasuniversitare, ndërsa aktualisht është duke ndjekur studimet për doktoraturë me temë: “Menaxhimi i Cilësisë në Arsim”.
Për disa vite ka punuar si konsulent për disa kompani të huaja.
Në vitin 2008 është emëruar Drejtor i Qendrës së Planifikimit të Karrierës në Universitetin “Epoka”.
Në shtator 2008 është emëruar nga Komuniteti Mysliman si Kryetar i Komisionit të Hartimit të Dosjes për hapjen e Universitetit “Bedër”. Me hapjen e universitetit ai fillon të japë leksione si pedagog në Fakultetin e Shkencave Humane në Departamentin e Shkencave Islame dhe atë të Drejtësisë në tre gjuhë: shqip, anglisht dhe turqisht.
Në periudhat shtator 2011-dhjetor 2013, krahas lektorit në lëndët Psikologji Sociale dhe Psikologji Islame në universitet, ai ka qenë gjithashtu përgjegjës i Departamentit të Drejtësisë dhe zv/dekan i fakultetit të Shkencave Humane në Universitetin “Bedër”.
Skender Bruçaj ka qenë gjithashtu Drejtor i Qendrës për Edukim të Vazhduar dhe Formim Profesional në Universitetin “Bedër”.
Duke parë përgatitjen e tij të gjerë akademike, Kryesia e KMSH-së, në dhjetor 2013 e emëron atë nënkryetar të KMSH-së.
Z. Bruçaj ka marrë pjesë në shumë konferenca kombëtare dhe ndërkombëtare, si referues në emër të Universitetit Bedër dhe Komunitetit Mysliman të Shqipërisë.
Ai njeh disa gjuhë të huaja si anglisht, turqisht, italisht dhe arabisht.
Z. Bruçaj është i martuar dhe ka dy fëmijë (djem).

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30