ZOTI E DIELLI LUSIN SHQIPTARIN

nga **Agim Gashi** Tue Sep 23, 2014 7:36 pm

AGIM GASHI

ZOTI E DIELLI LUSIN SHQIPTARIN

ZOTI E DIELLI LUSIN SHQIPTARIN 10704065_10152392719209077_8410611157503073028_n

Rrezet dielli i ka shumue
Pingul me i lëshu mbi Arbni,
Ooooo shqiptar kthehu kah Zoti
Pse atdheun me anmiqësi?

A po e shef se çka bane,
N´atdheun tand që sot vajton?
Vrave, preve e dhunove,
Token tash po e copton!

Pse urren ti vllaun tand?
Vllaun tand po pse e vret?
I zen prita, e plaçkit,
Sikur turqit haraç i qet.

Jeni ba shumë karaxhoza
Pasunoheni t´u ndjell varfninë,
Vidhni drita e vidhni buken,
Vjedhët buzqeshjet dhe lumtuninë.

Batë Kosovën pa përspektivë
Edhe miqët po na harrojnë,
Me ba shkau me na u gjue
Askush ndihmë më stë afron.

Ju luftoni për poste t´nalta,
Popullin e juej e keni harru,
Skishit pasë ju far shqiptari
Sa keq në ju ishim mashtru.

Perdoret dhun e barbari
Mbi shqiptar të vërtetë,
Formuet banda politike
Sa e vështirë na u ba kjo jetë.

Pasha besën e shqiptarit
Pasha Trimin Skënderbe,
Keni humbë çdo gjë te populli
Si tradhëtar jeni ndër ne.

Sa mallkimet sot po vien
Mbi qiell të Arbnit fluturojnë,
Vorret tona dhe dëshmorët
Tmerrësisht keq po ju mallkojnë.

Mallkon Teuta dhe Agroni
Mallkon trimi Skënderbe,
Pse e gjakosni popullin e juej
Pse e tkurrët t´lumin atdhe.
Mallkon trimi Adem Jashari
Mallkon edhe Ibrahim Rugoava,
Ju mallkon gjiu i nanave
Ju mallkon e tanë Kosova.

Ah! Ju t´mjerët jeni qorrue,
Humbët nder, ndjenja e besë,
Sa n´gjendje t´keqe e prutë vendin
Mos me e pas ma asnji shpresë.

Të mjer njerzit që shesin atdheun
I zen denimi për tradhëti,
Do ti ndytet plang e voter
Kur mallkon Nana Arbni.

Mbane mend o të mjer hajna
Një ditë populli ka me u zgjue,
Ju të mjerët kah do ja mbani,
Ku n´hamam doni me shkue?

23.09.2014
Düren

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30