Këshilltari i Kryeministrit në largim i nervozuar që gazetarët nuk po ia mbajnë krahun PDK'së

nga **Agim Gashi** Sat Sep 27, 2014 8:28 pm

Pas një deklarate të çuditshme gjatë një debati televiziv ku kërkonte përgjegjësi penale nga partitë politike që po refuzojnë të bashkëpunojnë me PDK’në, Këshilltari teknik i Kryeministrit Adri Nurellari, tani sulmon edhe gazetarët që nuk po ia mbajnë krahun pushtetit në largim.

Në një shkrim të postuar në Facebook, Nureallari duket se ka problem me ata që nuk po i dalin në mbrotje Partisë Demokratike të Kosovës. Ai është shfaqur i revoltuar me intelektualët kosovarë të cilët sipas tij nuk e kanë thënë fjalën e tyre për qasjen nga frika se mund të etiketohen si ithtarë të PDK’së. Një gjë të tillë ai e thekson edhe për shoqërinë civile dhe gazetarët.
Por kësaj radhe, Nureallari nuk ka kërkuar përgjegjësi penale nga këto kategori shoqërore.
“...përfaqësuesit e shoqërisë civile dhe mediave luajnë një rol të rëndësishëm në vënien e përgjegjësisë të politikanëve për sa përket mbajtjes së premtimeve elektorale, mirëpo pak folën lidhur me shkeljen flagrante të premtimeve fill pas zgjedhjeve dhe lëvizjen tektonike të partive që humbën zgjedhjet. Edhe në një vend me demokraci jo kushedi sesa të avancuar si Shqipëria, ka pasur një revoltim shumë të madh nga ana e mediave dhe shoqërisë civile në vitin 2009 kur Lëvizja Socialiste për Integrim bashkoi votat e veta me Partinë Demokratike fill pas zgjedhjeve duke mundësuar qëndrimin në pushtet të së djathtës pavarsisht se LSI kishte marrë vota majtas” ka shkruar ai.
Madje Nurellari ka marrë guxim të thotë edhe dicka tjetër: rifreskimin edhe të skenës mediale dhe shoqërisë civile përvec politikanëve.
“Kjo situatë lë të kuptohet që Kosova ka një nevojë imediate që jo vetëm të qarkullojë elitën politike të konsumuar dhe të ndryshojë e zëvendësojë sa më shumë figura kryesore të politikës me të rinj, të arsimuar mirë e të pakompromtuar në të kaluarën, por të rifreskojë edhe kastën e figurave të shoqërisë civile dhe mediave” ka shkruar ai.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30