Përse financohet kjo kulturë në Kosovë? / Shtëpi afgane në Prapashticë të Prishtinës

nga **Agim Gashi** Sun Sep 28, 2014 11:46 pm

Përse financohet kjo kulturë në Kosovë? / Shtëpi afgane në Prapashticë të Prishtinës

KOSOVE – Në fshatin Prapashticë të Komunës së Prishtinës ka nisur të përzihet përsëri balta me kashtë. Atyre po u shtohen edhe telat gjemborë.
Me këtë përzierje po ndërtohen shtëpi të reja. Aktivistë lokalë e të huaj për dy javë kanë futur llaç në thasë të sjellë kastile nga Italia.
Nja dyqind metra sipër shtëpive të muruara me blloqe e me dyer plastike dhe metalike, në rrafshinën me pamje panoramike, në sy bie shtëpiza rrethore që nuk ka më shumë se katër-pesë metra katrorë.
Sana është hedhur sipër thasëve që ngushtohen në formë qemeri në pullaz.
Forma e saj është krejtësisht e ndryshme prej shtëpive të pakta me qerpiç dhe gurë që shihen vende-vende në faqet e kodrave valë-valë të fshatit të shpërndarë në Malësinë e Gollakut.
“Është shtëpi e stilit tradicional afgan”, thekson Luan Fazliu, menaxher i projektit për ndërtimin e shtëpive ekologjike në katundin e brezit kufitar me Serbinë, ku shihen tabela që tregojnë se rruga çon drejt Leskovcit, transmeton ‘Koha Ditore’.
“Kjo do të thotë shtëpia për nga forma shkon me shtëpitë klasike, siç janë bërë më parë shtëpitë tona”, i kthehet Fazliu shtatgjatë “gërshetimit” të kulturave të dy popujve të dy kontinenteve në “shtëpinë model” për ndërtimin e së cilës kanë përvjelë mëngët 36 inxhinierë, ekspertë ndërtimi dhe aktivistë të nëntë shteteve të ndryshme të botës.
Projekti është iniciuar dhe financuar nga disa shtetas gjerman.

Vetëvetiu lind pyetja se ç’lidhje ka ky stil ndërtimi afgan me traditën shqiptare të ndërtimit…dhe kush janë këta të huaj që e financojnë këtë projekt ?
/E Vërteta.al/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30