Faruk Tasholli:KOSOVARËT NGA ZVICRA NGRITËN FLAMURIN KOMBËTAR SHQIPTAR MBI STADIUMIN E BEOGRADIT

nga **Agim Gashi** Wed Oct 15, 2014 8:16 am

Exkluzive

KOSOVARËT NGA ZVICRA NGRITËN
FLAMURIN KOMBËTAR SHQIPTAR MBI
STADIUMIN E BEOGRADIT

Nga Faruk Tasholli
Faruk Tasholli:KOSOVARËT NGA ZVICRA NGRITËN FLAMURIN KOMBËTAR SHQIPTAR MBI STADIUMIN E BEOGRADIT 1016905_963574393669679_2594041886348053288_n

Faruk Tasholli:KOSOVARËT NGA ZVICRA NGRITËN FLAMURIN KOMBËTAR SHQIPTAR MBI STADIUMIN E BEOGRADIT 1016905_963574393669679_2594041886348053288_n

Pas mesnatës,pra rreth orës 1 e 30 minuta të ditës së sotme (15.10.2014) mora vesh për akterët që ngritën flamurin kombëtar shqiptar mbi stadiumin e Partizanit ne Beograd, derisa po zhvillohej minuta e 42 e ndeshjes Serbi-Shqipëri. Me njërin prej tyre që e njihja, menjeherë rashë në lidhje dhe bisedova shkurt për ngjarjen. Por, për momentin, ai deshi të mbetet anonim për opinion. Gjithashtu më luti që edhe shokët e tij të mbeten anonimë për momentin, pasi u bie shpesh rruga nëpër Serbi dhe mund të ballafaqohen me pasoja. Kur hyra në lidhje, ata veç ndodheshin ne Kroaci dhe nuk kishin më ndonjë rrezik. Ja biseda e shkurtër që bëra me njërin prej tyre:
Unë: Mora vesh se ti me disa shokë e ngritët flamurin kombëtar shqiptar mbi Beograd?
Ai: Po. Ishim dhjetë shokë nga Zvicra dhe atje shkuam me pesë vetura me tabela zvicerane. Ta kalonim kufirin nuk patëm vështirësi, pasi ne kishim pasaporta zvicerane. Por në stadium, pasi e panë se i kemi emrat shqiptarë, nuk na lanë të hymë.Atëherë thamë me vete: Pasi nuk na leni të hymë, do të hyjë flamuri ynë dhe do ta shihni edhe ju edhe ne.
Unë: Do të thotë ju flamurin e lansuat nga pozicionet jashtë stadiumit?
Ai: Po ashtu bëmë. E përdorëm një drohne (Mjet fluturimi për lojëra në qiell), si e keni parë, e lëshuam dhe ai fluturoi me flamur i komanduar nga ne.Në ndërkohë i lëshuam edhe dy drohne vëzhguese. Prisnim edhe dy lansime t'i bënim, por për shkaqe sigurie, pasi ndryshoi situata, u desh të largohemi.
Unë: Tash ku ndodheni për momentin?
Ai: E kemi kaluar kufirin Serbi-Kroaci dhe po udhëtojmë drejt Zagrebit. Tash po ndalemi edhe pak të pijmë nga një kafe dhe vazhdojmë.
Unë: Por unë desha që këtë ngjarje ta bëj publike, a ju prish punë?
Ai: Nuk na prish punë, por nuk e bëmë të lavdohemi ne, por veç deshëm të tregojmë se me gjithë ndalesat, shqiptarët në një mënyrë i keni në stadium. Ndërsa, sa i përket vërtetësisë së ngjarjes, ne i kemi bërë edhe videoincizimet dhe i kemi me vete, por sonte është vonë dhe nesër kah mesdita mbërrijmë në Zvicër. Të gjitha do t'i bëjmë publike. Disa gjëra i kemi dhënë edhe në Facebook, por me emra përkëdhelës.
Unë : Këtë bisedë po e jap për publik, e pastaj flasim nesër.
Ai: U bë, natën e mirë!
Pas bisedës, shikova profilin e bashkëbiseduesit në FB, prej nga kuptova se ai me disa familjarë vec kishte biseduar nga Beogradi për ngjarjen. Nga profili i tij i mora edhe fotot.Bashkëbiseduesi im është me prejardhje nga Lypjani dhe doktorant në njërin nga universitetet zvicerane.

Faruk Tasholli:KOSOVARËT NGA ZVICRA NGRITËN FLAMURIN KOMBËTAR SHQIPTAR MBI STADIUMIN E BEOGRADIT 1800190_842013389151341_8309476229012629137_n

Faruk Tasholli:KOSOVARËT NGA ZVICRA NGRITËN FLAMURIN KOMBËTAR SHQIPTAR MBI STADIUMIN E BEOGRADIT 1800190_842013389151341_8309476229012629137_n

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31