Kostandini- policëve: Ju jap çfarë të doni, vetëm më lini të shkoj

nga **Agim Gashi** Wed Nov 05, 2014 9:30 pm

Kostandini- policëve: Ju jap çfarë të doni, vetëm më lini të shkoj

Kjo ka qenë fjalia e parë që Kostandin Xhuvani, djali i deputetes Luiza Xhuvani u ka thënë efektivëve të policisë në momentin që ata i vendosën prangat ndër duar.
"Ju jap çfarë të doni, vetëm më lini të shkoj, sepse më fiket jeta".
Burime pranë policisë bëjnë me dije se në momentin e arrestimit, 26-vjeçari ka qenë duke vrapuar nëpër rrugicat e lagjes ku ka ndodhur edhe krimi i rëndë dhe në dorë mbante armën e krimit. Fillimisht Kostandin Xhuvani ka bërë rezistencë ndaj forcave të policisë, duke mos dashur që të arrestohet, por në momentin që e ka parë se nuk kishte ku të shkonte, ai ka menduar se gjëja e fundit që mund të bënte ishte që t'u lutej efektivëve të policisë që ta linin atë të lirë, madje duke iu ofruar atyre gjithçka që ata do dëshironin.
Të njëjtat burime bëjnë me dije se gjatë momentit të arrestimit i riu ka qenë nën efektin e alkoolit dhe lëndëve narkotike. Xhuvani është arrestuar vetëm 70 metra larg lokalit ku ndodhi ngjarja dhe vetëm pak minuta para se ai të vihej në pranga, uniformat blu të komisariatit numër 1 kanë vënë në pranga edhe dy autorët e tjerë të dyshuar të krimit të katërfishtë.
Përveç tyre, policia ka shoqëruar ditën e djeshme më shumë se 20 persona, të cilët mendohet se kanë pasur dijeni për dinamikën e ngjarjes ku u vranë katër persona. Mësohet nga burime policore se mes të shoqëruarve ka qenë edhe bashkëshorti i këngëtares vlonjate, Maya A.j. Ai ka dhënë dëshminë e tij në polici, pasi mësohet se ka qenë në të njëjtën tavolinë me italianin e vrarë mëngjesin e djeshëm në lokalin e natës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30