Agim Veliu: Blloku nuk mund të prishet pa u takuar, qëndrimi zyrtar i LDK-së tek pas orës 16:00

nga **Agim Gashi** Wed Nov 19, 2014 6:08 pm

Anëtari i kryesisë së LDK-së, Agim Veliu nuk ka dashur t’i komentojë deklarimet në media se AAK-ja tashmë përfundimisht është ndarë nga Blloku LVAN dhe se nuk do komunikim të mëtutjeshëm me LDK-në.
“Nuk është korrekte që të bëhet një gjë e tillë pa i pastruar të gjitha çështjet ne si Bllok. Ne gjithmonë kemi thënë se për ne nuk ka asnjë bisedë me askënd pa i pastruar çështjet me Bllokun. Kërkesa jonë është bërë publike: marrëveshja (e 10 qershorit) ose të zbatohet e plotë ose nuk ka marrëveshje. Ne kemi bërë kërkesë që ajo marrëveshje të ribëhet dhe që bashkërisht Blloku të gjejë. Nuk do të ishte mirë që asnjëra nga palët që të bëjë shkëputje nga Blloku pa u takuar dhe pa pasur një përgjigje të fundit”, tha Veliu.
Në ndërkohë, KP i LDK-së do të mblidhet në orën 16:00 për të shqyrtuar situatën aktuale dhe pozicionin e saj për zgjidhjen e krizës.
Prishja e koalicionit ne mes Lidhjes Demokratike të Kosovës (LDK) dhe Aleancës për Ardhmërinë ë Kosovës (AAK), si duket ende nuk është një gjë ë kryer, ndonëse ketë gjë fuqishëm e kanë deklaruar disa zyrtarë të AAK-së.
Anëtari i Kryesisë së LDK-së, Agim Veliu, në një prononcim për media ka thënë se gjithçka merret vesh në takimin e orës 16:00.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30