Shqiptari vritet në Siri, familja kërkon të shpallet i zhdukur

nga **Agim Gashi** Wed Dec 03, 2014 2:56 pm

Shqiptari vritet në Siri, familja kërkon të shpallet i zhdukur

Denis Jangulli, baba i dy fëmijëve, është një prej shumë besimtarëve myslimanë shqiptarë, që sipas prokurorisë së Krimeve të Rënda, u rekrutuan dhe dërguan për Xhihad luftarak në Siri, duke luftuar për llogari të organizatave terroriste AL Nusra dhe ISIS.
Sipas një raporti të Shërbimit Informativ Shtetëror, 29-vjeçari nga Dibra dhe me banim pranë Xhamisë së “Brrakës” në Tiranë, aty ku dhe kryente ritin fetar të faljes, rezulton të jetë një prej besimtarëve që ka humbur jetën gjatë luftimeve në Siri, ndonëse trupi i pajetë i tij nuk është sjellë pranë familjes.
Pavarësisht, se ende nuk ka një konfirmim për fatin e Jangullit, familja ka vendosur t’i drejtohet Gjykatës së Tiranës me një kërkesë për ta shpallur të zhdukur njeriun e tyre, për shkak se prej një periudhe të gjatë nuk kanë asnjë kontakt me të, transmeton GSh.
Në shtëpinë e farmacistit Denis Jangulli, njoftimi për vrasjen e tij erdhi me telefon. “Denisi ndërroi jetë në Siri. Mos bëni asnjë gjë që Denisi nuk do të dëshironte”, ky është mesazhi që i mbërriti familjes së Jangullit, nga një numër i panjohur, përmes të cilit njerëzit e tij mësuan lajmin e hidhur. Familjarët nuk e pranojnë se ai ka vdekur, por pavarësisht kësaj, kanë vendosur të ndjekin procedurat ligjore, për shpalljen e tij të zhdukur.
Sipas raportit, drejt Sirisë këta besimtarë kanë marrë me vete dhe gratë e fëmijët, ku shumë prej të vegjëlve mendohet të kenë mbetur në mëshirë të fatit në mesin e një lufte të përgjakshme.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30