Pas takimit me Thaçin, Isa Mustafa do të jetë kryeministri i Kosovës!

nga **Agim Gashi** Sun Dec 07, 2014 5:59 pm

Pas takimit me Thaçin, Isa Mustafa do të jetë kryeministri i Kosovës!

Foto: Bota Sot

Kryesuesja e seancës konstituive të legjislaturës së V-të të Kuvendit të Kosovës, Flora Brovina, ka thënë se ka lajmëruar sekretarinë që të ftojë deputetët për nesër në vazhdimin e seancës.
(I plotësuar) - Burime zyrtare të gazetës “Bota sot” nga LDK-ja, e rikonfirmojnë se edhe pas takimit të sotëm ndërmjet krerëve të LDK-së dhe PDK-së, është arritur pajtimi që Isa Mustafa të zgjidhet nesër kryeministër i Kosovës. Se cilat janë gjërat që mund të kenë krijuar vështirësi në diskutim, mbetet të qartësohet në ndërkohë!
* * * * *
Isa Mustafa, do të jetë kryeministri i Kosovës, pas takimit të ditës së sotshme, dhe se seanca do të mbahet nesër ndërsa postet ministrore do të ndahen ndërkohë. Do të ketë qeveri stabile është shprehur më pas Mustafa.

Është arritur marrëveshja

Lideri i Lidhjes Demokratike të Kosovës, Isa Mustafa do të jetë kryeministri i ardhshëm i Republikës së Kosovës.

Marrëveshja nesër në ora 10:00. Kuvendi mblidhet në 12:00.

Kryeministri Hashim Thaçi ka konfirmuar se ka arritur marrëveshje me LDK’në dhe ka paralajmëruar se nesër në ora 10 do të bëhet zyrtarizimi i saj.

Lexoni të plotë postimin e tij:

“Sot jemi takuar me kryetarin e LDK z. Isa Mustafa ku diskutuam për formalizimin e Marrëveshjes se koalicionit dhe u pajtuam se nënshkrimi i Marrëveshjes se koalicionit PDK-LDK të behet nesër ne ora 10 në Kuvendin e Republikës së Kosovës”.
“Poashtu u pajtuam qe ndërtimi i institucioneve qendrore të bëhet menjëhere pas nënshkrimit te marrëveshjes, po ditën e hënë”, përfundoi Thaçi.
Gazeta ka mësuar se tashmë nuk ka asnjë dilemë se nesër do të mbahet mbledhje e Kuvendit të Kosovës dhe do të votohet për Kryeministrin dhe ministrat.
Burime brenda takimit Thaçi e Mustafa bëjnë me dije se ka një disponim që kreu I qeverisë të jetë lideri I LDK- ës. Sipas marrëveshjes LDK-së do ti takoj edhe ministria e Infrastrukturës, ajo e Kulturës, Shendetësisë, FSK-ë, Tregtisë dhe ajo e Financave.

Fillon takimi LDK-PDK, pas pak pritet nënshkimi i marrëveshjes

Në takimin që po zhvillohet në mes të LDK-së dhe PDK-së të pranishëm janë nga Lidhja Demokratike e Kosovës, Isa Mustafa, Haki Rugova, Bajram Gecaj dhe Lutfi Haziri, kurse nga Partia Demokratike e Kosovës të pranishëm janë Hashim Thaçi dhe Kadri Veseli.
Kreu i LDK-së Isa Mustafa bashkë me zëvendësin e tij e në parti, Sabri Hamitin kanë shkuar në Kuvendin e Kosovës ku po e presin partinë e PDK-së për të finalizuar marrëveshjen për formimin e qeverisë së re.
Marrëveshja është paralajmëruar të nënshkruhet më së largu sot, ndërsa më parë ishte lajmëruar se vazhdimi i seancës konstituive mund të mbahet me 8 dhjetor.
Marrëveshja e koalicionit për formimin e qeverisë së re të Kosovës, mes PDK-së dhe LDK-së, pritet të nënshkruhet sot në ora 12 në ambientet e Kuvendit të Kosovës.
Burime brenda koalicionit bëjnë të ditur se janë arritur dakordimet e fundit mes këtyre dy partive.
Gjatë ditës së shtunë janë bërë dakordimet e fundit mes dy partive dhe të dielën gjithçka do të konkretizohet”, ka thënë burimi në kushte anonimiteti.
Burimi nuk ka dashur të flasë më shumë në lidhje me ndarjen e posteve, por ka thënë se posti i kryeministrit do t’i takojë liderit të LDK-së, Isa Mustafa.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31