Basha në Kongresin e CDU-së

nga **Agim Gashi** Wed Dec 10, 2014 9:38 pm

Basha në Kongresin e CDU-së
Basha në Kongresin e CDU-së Largea_foto-basha-merkel1418219771

Kryetari i Partisë Demokratike, Lulzim Basha, me ftesë të kancelares Angela Merkel, mori pjesë në kongresin e 27-të të CDU-së që u zhvillua në Këln, Gjermani.
Në këtë kongres, kancelarja Merkel u rikonfirmua për të tretën herë në krye të kësaj partie, ndërsa të ftuar në kongres ishin liderë të partive të qendrës dhe qendrës së djathtë të BE, drejtues të PPE dhe të institucioneve të BE.
Duke e uruar për rizgjedhjen kancelaren Merkel, Basha e konsideroi atë shembull frymëzimi për çdo lider, që synim të punës dhe aktivitetit politik ka zhvillimin ekonomik të vendit dhe mirëqenien e qytetarëve. Basha i shprehu mirënjohjen për mbështetjen e madhe që Kancelarja gjermane i ka dhënë Shqipërisë në rrugën e integrimit europian dhe në procesin e liberalizimit të vizave, ku qëndrimi i Gjermanisë ishte vendimtar.
Kryetari i PD-së gjatë takimeve me drejtues të lartë të CDU-së, të Partisë Popullore Europiane dhe të institucioneve të BE-së ka shprehur shqetësimin për gjendjen e demokracisë dhe të shtetit ligjor në Shqipëri. Bashkëbiseduesit theksuan se cënimi i pavarësisë së institucioneve, moszbatimi i vendimeve të gjykatave dhe sjellja në kundërshtim të hapur me normat e shtetit ligjor janë të papranueshme për vendet demokratike dhe veçanërisht për ato që aspirojnë të bëhen pjesë e BE-së.
Basha theksoi se pavarësisht krizës së rëndë parlamentare dhe të demokracisë në vend si rezultat i veprimeve të dyshes Rama-Meta, PD është angazhuar fuqishëm për të gjetur rrugët e rikthimit të kushtetuetshmërisë dhe normalizimit të jetës parlamentare, por deri tani, tha ai, mungon vullneti politik nga kryeministri Rama për të marrë përgjegjësinë që i takon për këtë situatë të krijuar në vend.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30