Alma Lama: Për shkak të diskriminimit gjinorë, kuota gjinore e nevojshme edhe në Qeveri

nga **Agim Gashi** Wed Dec 10, 2014 9:43 pm

Alma Lama: Për shkak të diskriminimit gjinorë, kuota gjinore e nevojshme edhe në Qeveri

Deputetja e Lidhjes Demokratike të Kosovës, Alma Lama nëpërmjet një postimi në rrjetin social shpreh shqetësimin e saj lidhur me kabinetin e ri qeveritarë duke e quajtur diskriminim gjinor faktin se Qeveria do të përbëhet nga vetëm dy gra ministre.

Më poshtë mund ta lexoni të plotë reagimin e deputetes Alma Lama:

Të dashur miq,
Të gjithë jemi zhgënjyer me lajmin se kabineti i sotëm qeveritar, prej 21 ministrishë i ka vetëm dy gra. Një diskriminim më i madh gjinor nuk ka si të bëhët. Prej kur u publikuan listat me emra të kabinetit, unë e kam ngritur zërin edhe brenda partisë.
Por është më se e qartë se partitë politike, kur vjen puna për të ndarë pushtetin, cështjen e përfaqësimit gjinor, e harrojnë plotësisht, edhe pse gjatë fushatave, kur shkojnë për tu marrë votën grave, u premtojnë përfaqësim të lartë.
Pas regresit te vazhdueshëm përsa i përket përfaqësimit të grave në ekzekutiv, nga mandati ne mandat, mendoj se ka ardhur koha të ndërmarrim hapa konkretë për ta ndryshuar këtë gjendje.
Unë prej sot do të ndërmarr iniciativën për të futur kuotën gjinore edhe në përfaqësimin qeveritar, ashtu sic është edhe për Kuvendin. Kuota gjinore ka dhënë rezultate të larta në Kuvend; sot kemi gjithnjë e më shumë gra të fuqishme që fitojnë me votën e tyre, pavarësisht se subjektet politike vazhdojnë të mos i përkrahin në të njejtën mënyrë si burrat.
Mendoj se kuota gjinore është plotësisht e nevojshme edhe ne qeveri, dhe në të gjitha institucionet e tjera publike. Kuota për Kuvend vite më parë u imponua nga ndërkombëtarët dhe gabimi është bërë që nuk është imponuar edhe në ekzekutiv, se politikanët e Kosovës me vullnet nuk po e respektojnë gjysmën e popullatës, që janë gratë, pasi janë ende primitivë në këtë aspekt.
Kam ndërmend që të bëj amendment për Kushtetutën e Kosovës. Se shpejti, në konsultim me juristë do të draftoj propozimin konkret.
I ftoj të gjithë kolegët e mia deputete, të gjitha gratë nëpër subjekte politikë, shoqërinë civile dhe mediat ta mbështesin këtë iniciativë.
Së bashku do t’ia dalim.
ps. Ju lutem jepni opinionet tuaja dhe shperndajeni sa me shume kete propozim. M.L

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30