U dogj e gjallë në kamion, 26-vjeçarja identifikohet nga furça e dhëmbëve

nga **Agim Gashi** Wed Dec 17, 2014 6:09 pm

U dogj e gjallë në kamion, 26-vjeçarja identifikohet nga furça e dhëmbëve

Pas rreth një muaj zbulohet identiteti i shtetases shqiptare, që u dogj e gjallë në kamionin me të cilin tentonte të arrinte në Angli. Analizat e ADN-së vërtetuan se kufoma i përket 26-vjeçares nga Rrësheni, Erinda Kaçorrit, e cila u konfirmua nga autoritetet Franceze.
Shtëpia e së ndjerës pavarësisht se nuk ishte konfirmuar identiteti i viktimës, kishte hapur prej ditësh dyert e mortit. Për shkak se trupi i vajzës ishte i shkrumbuar, prova e vetme në të cilën u bazuan ishte furça e dhëmbëve e 26-vjeçares, si dhe disa sende të tjera personale.
Nga kufoma e Erinda Kaçorrit kishin mbetur vetëm disa pjesë të dhëmbëve, të cilat iu nënshtruan ekzaminimeve laboratorike. Pas kaq kohësh vuajtje, familja e së ndjerës pritet t’i japë sot lamtumirën e fundit 26-vjeçares, pasi pjesët e mbetura nga trupi i saj do të arrijnë sot në atdhe.
25-vjeçarja Erinda Kaçorri ndodhej në kamion së bashku me 23-vjeçarin Rexh Myzyraj, djalin e dajës së të fejuarit, me të cilin kishte planifikuar të kalonte në mënyrë ilegale drejt Anglisë, për t’u bashkuar me të fejuarin e saj. Trupi i pajetë i Myzyrajt u identifikua një javë më parë, pas analizave të ADN-së.

Si ndodhi ngjarja e rëndë në Francë

Ngjarja ndodhi gjatë mbrëmjes së 19 nëntorit rreth orës 19:00, kur kamioni në të cilin ndodheshin dy shqiptarët mori flakë, që dyshohet të jetë shkaktuar nga një cigare e harruar e ndezur në karrocerinë e kamionit të peshës së rëndë.
Në pak minuta, kamioni që ndodhej në terminalin e portit u shkrumbua tërësisht, ndërsa shoferi i automjetit nuk ndodhej aty në ato momente.
Trupat e dy personave u gjetën të karbonizuar në daljen e pasme të derës së kamionit, çka sipas ekspertëve tregon se të dy personat ishin përpjekur për të dalë nga kamioni që ishte në flakë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30