Slobodan Gavriq kishte për qëllim akt terrorist

nga **Agim Gashi** Fri Dec 26, 2014 5:54 pm

Slobodan Gavriq kishte për qëllim akt terrorist

Sllobodan Gavriq 45 vjeçar i lindur në qytetin e Rashkës të Serbisë, u arrestuar mbrëmë në orët e mbrëmjes, në rrugën “ Ahmet Krasniqi”, në Lagjen “ Arbëria”.
Gavriq u ndalua nga Policia e Kosovës, ku në veturën e tij “ Reno Clio” me targa të Beogradit u gjind dhe u konfiskuan mbi 12 kilogram eksploziv. Sipas burimeve të Bota Sot, ndonëse Gavriq ishte me profesion veterinar, ai kishte për synim që të hedhtë gjithë eksplozivin në Katedralen e Prishtinës, në kohën kur edhe do të fillonte mesha.
Ky akt vandal terrorist i Gavriq përveç që kishte si synim të merrte jetën e shumë njerëz të pafajshëm që ndodheshin në Katedrale, me rastin e lutjeve të Meshës, për festën e Krishtlindjeve, kishte për qëllim që të nxiste edhe urrejtje ndër fetare mes shqiptareve të besimit katolik dhe atyre mysliman.
Ky plan i shëmtuar nga veterinari serb, ishte bërë me qëllim , që të pikaste në shenjë, Katedralën në mënyrë që faji tu mbetet shqiptareve të besimit mysliman, se gjoja janë terroristë. Ndonëse në raste të tilla, do të duhej të mblidhej urgjentisht Këshilli i Sigurimit, krerët e këtij Institucioni nuk pohuan se do të ndodhë një mbledhje e tillë.
Ministri i Punëve të Brendshme Skender Hyseni, në një konferencë të mbajtur për gazetarë, duke mos dashur të jep informacione më të detajuar rreth hyrjes së Gavriq në Kosovës, i cili kaloi pikat doganaro pa pikë problemi, me 13 kilogram eksploziv, tha se policia ka nisur hetimet në lidhje më këtë rast, dhe çdo informacion i dhënë do ti parandalonte bashkëpunimit me hetuesit policor. “ Ne tashmë kemi filluar bashkëpunimin me hetuesit, dhe ky rast po rezulton që kishte për qëllim një akt të madh terrorist”, ka thënë Hyseni.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30