Komunikatë-Lëvizja për Kthim dhe Integrim

nga **Agim Gashi** Thu Jun 11, 2009 2:04 pm

Komunikatë :

Lëvizja për Kthim dhe Integrim ,,Guri i zi ”me seli në Gjilan

Në Gjilan është formuar Lëvizja për kthim dhe Integrim ,,Guri i Zi ” . Duke marrë parasysh që po bëhen dhjetë vite dhe për popullatën e dëbuar shqiptare nga Komuna e Medvegjës , Bujanocit , dhe Preshevës , nuk është bërë gati se asgjë , as për kthimin e tyre në trojet e tyre , por as për integrimin në rrjedhat e përgjidhshme aty ku jetojn ende Popullata shqiptare e dëbuar formoi në Gjilan LKI-n ,, Guri Zi ” të përbër nga njerëz të devotshëm , profesor , veprimtar dhe aktivist të gjitha profileve me një Kryesi prej 21 anëtarëve . Ishte ndier nevoja që moti për formimin e një lëvizje të tillë . Me insistimin dhe angazhimin e shumë njerëzve tan , duke ngritur një Këshillë Nismëtarë dhe mbajti Kuvendin themelues me 01.03.2009 . Në këtë datë të madhe kur para 17 viteve është organizuar dhe mbajtur Referendumi i popullatës autoktone me shumicë shqiptare për bashkangjitje me Kosovën amë , apo për një Autonomi territoriale për njësit Komunale të Medvegjës , Bujanocit , dhe Preshevës .

Qëllimi dhe arsyeja e formimit të LKI-s ,, Guri Zi ”

Është të organizohemi sa më mirë në interes të banorëve të që gjendja e tyre është më e vështir e veqmas banorët nga Komuna e Medvegjës , Malësisë së Bujanocit dhe Karadakut të Preshevës . Pavarasisht ku janë me banim , apo ende jetojn në trojet e tyre , në Gjilan e në Kosovë . Do mundohemi që integrimi i ksaj kategori të banorëve që jetojn në Kosovë të jetë më i lehtë . Prandaj konsiderojm se krijimi i kushteve për kthim dhe Integrim i banorëve të tri Komunave në shtëpit dhe pronat e tyre , është e garantuar me të gjitha konventat ndërkombëtare , është e drejtë dhe detyrë e të gjithë neve . Do të ngrisim zërin për krijimin e kushteve për kthim dhe për investim në trojet e tona . Do të angazhohemi që në baza vullnetare të ndikojm duke mbajtur dhe organizuar debate , tribuna , shenime të datave dhe përvjetorëve të figurave nga kjo trevë , por edhe që të njoftojm , sensibilizojm opinionin e mbrendshëm dhe ate ndërkombëtarë për të drejtat individuale dhe kombëtare , por edhe të ksaj kategori të banorëve për mungesën e lirisë së lëvizjes , për mungesën e investimeve , për forcat e shumta , stëngarkesa me ushtri dhe gjandarmëri serbe rreth e përqarkë vendbanimeve e lokaliteteve shqiptare dhe në brezin kufitarë . Banorët e tri Komunave , që sot përbëjmë shumicën e banorëve të qytetit të Gjilanit , që jemi ballafaqur dhe ende përballemi me sumë vështërsi , sfida dhe pengesave dhe vwshtirsive tjera ligjore të regjistrimit të ton civil , administrativ nga më të ndryshmet . Lëvizja për Kthim dhe Integrim ,,Guri i Zi ” me seli në Gjilan , do të angazhohet për të drejtën e natyrshme për dy nënështetësis për të gjithë banorët e lindur pas viti 1945 e këndej . Të gjithë shqiptarët e lindur në Serbi pavarësisht ku jetojn , po ashtu edhe për serbet lokal të Kosovës të vlen ky parim dhe kjo e drejtë . Ne duke bërë aktivitete dhe veprime në bazë të vullnetit dhe interesit të shumicës së banorëve . Do të bashkëpunojm me të gjitha shoqatat , forumet dhe nismat tjera , që punojn dhe veprojn nga e gjithe hapsira e jon etnike shqiptare . Por banorët e ksaj kategorie , do të mundohemi të arrijm që botërisht të pranohet se ka patur dëbim , banorëve duhet t”ju krijohen kushte o për kthim apo për integrim ! . Që deri më tani nuk ëshë bërë dhe ka munguar . Do të fokusohemi në objektivat tona ,të përcaktuara gjithmon në interesat e përgjitshme të ksaj kategori . Si të arrijmë ta ruajm prezencën e banorëve të ksaj hapsire dhe të gjindet një zgjidhje e pranueshme për qëndrimin e tyre në trojet e tona dhe , si t”ua lehtësojm që të integrohemi në lokalitetet e tona ku jemi vendosur . Qëllimi i Lëvizjes son , është kombëtar dhe human ,, duke pranuar faktin se deri më tani ka munguar një formë e organizimit përmes të një lëvizje të tillë ., Ne do tw mundohemi tw jemi bartws dhe tu prijm shumë proceseve , nismave , qëllimeve , ku në kuadër të ksaj Lëvizje mundë të na bashkohen , por edhe do të gjejnë veten të gjitha gjeneratat , bindjet dhe përcaktimet tjera vetëm e vëtëm të arrihet diqka në interes të përëgjithshëm .

Ne do ti përmbahemi statusit dhe programit të miratuar në Kuvendin themelues dhe do të angazhohemi që :

- Reciprocitetin në çfarë të drejtash gëzojn Serbet lokal të Kosovës , Beogradi po ato të drejta minimum t’ju garantoj edhe shqiptarëve në Krahinën e mbetur nën serbi me shtrirje në tri Komunat e cekura me lartë .

- Të respektohet marrëveshja e Konqulit dhe të demilitarizohet Krahina shqiptare .

- Të lejohet përdorimi i gjuhës shqipe dhe përdorimi i simboleve kombëtare shqiptare dhe të rregullohen me ligjë .

- Duhet të ndahen mjete për zhvillim dhe paguhen dëmet e luftës dhe krijohen kushte për kthimin e të dëbuarve në trojet e veta

- Të investohet për integrimin e të gjithë banorëve të arrdhur si kategori e të zhvendosurve nga tri Komunat që jetojn në Kosovë apo gjetiu.

- Forcat ushtarake , gjandarmëria dhe ushtria serbe të tërhiqen nga tri Komunat .

- Ky Rajon i trazuar të mbykqyret , monitorohet vazhdimisht nga forca civile dhe ushtarake të NATO-s .

- Beogradi ti anuloj të gjitha fletëarrestet e lëshuara nga gjykata serbe dhe ti liroj të gjithë të burgosurit politikë shqiptarë .

- Faktori politik shqiptarë , në tri Komunat duhet të unifikohet të marrë qëndrim të përbashkëta gjithmon në bashkëpunim dhe konsulta të ngushta me diplomacin e Tiranës dhe politikë-bërësit Kosovar .

Të pranohet botërisht se në Komunën e Medvegjës , Bujanocit dhe Preshevës , problem i cili është përcjellur edhe në konfliktin e armatosur , akoma nuk është zgjedhur . Konformë të drejtës dhe obligimeve ndërkombëtare , qeveria e Beogradit të ndaloj politikën e shpërnguljes së shqiptarëve dhe të mos pengoj , por përgundrazi t’ju krijoj kushte për kthimin e e të dëbuarve në trojet e veta stërgjyshore . Popullat shqiptare në tri Komuna , në bazë të Referendumit të mbajtur, luftës së armatosur nga UÇPMB-ja dhe marrëveshjes së Konqulit t’ju njifen këto drejta .

Si tw trajtohen të zhvendosurit serb lokal të Kosovës , ashtu duhet të trajtohen edhe të zhvendosurit shqiptarë të ardhur nga krahina e banuar me shumicë shqiptare .

****

Lëvizjes për Kthim dhe Integrim ,,Guri i Zi ” më 23 qershor të këtij viti në Gjilan , do ta Organizojm dhe mbajm një debatë publik dhe kështu do të shenojmë si datën , ku një dekadë më parë u bë zhvendosja e madhe e banorëve shqiptarë nga tri Komunat dhe që u vendosën në Kosovë e gjetiu .

10.06.2009

Kryesia e Lëvizjes për Kthim dhe Integrim ,,Guri i Zi ” Gjilan .

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30