Arrestohen terroristët e masakrës së Parisit (Foto)

nga **Agim Gashi** Thu Jan 08, 2015 2:36 am

Arrestohen terroristët e masakrës së Parisit (Foto)

Raportohet se njësiti anti-terror i Policisë Franceze ka arrestuar tre të dyshuarit për kryerjen e masakrës së sotme në Paris, ku janë vrarë 12 persona gjatë një sulmi terrorist në redaksinë revistës satirike “Charlie Hedbo”.

Duke iu referuar gazetës “Liberation”, “The Mirror” raporton se të dyshuarit ishin larguar drejt një qyteti lindor të Francës dhe janë arrestuar 160 kilometra larg nga vendi i krimit.

Sipas kësaj gazete ata janë arrestuar afër kufirit me Belgjikën.
Zëdhënësi i Policisë së Francës i ka thënë të përditshmes britanike “The Guardian” se autoritetet i kanë arrestuar tre të dyshuarit për sulmin e sotëm në redaksinë e revistës satirike Charlie Hebdo në Paris, ku mbetën të vrarë 12 persona, transmeton Telegrafi.
Ndërsa ministri i Brendshëm i Francës, në konferencën e mbajtur për shtyp nuk kishte përmendur arrestimin.
Të arrestuarit e dyshuar për kryerjen e aktit terrorist janë vëllezërit Said dhe Cherif Kouachi, 34 dhe 32 vjeç. Ndërkohë personi i tretë është 18 vjeçari Hamid Mourad, shtetësia e të cilit nuk është bërë e ditur. /Telegrafi/