Nismës ja marrin edhe Degën e Gjakovës - Jakupi thotë se koalicioni po blenë njerëzit e opozitës

nga **Agim Gashi** Tue Jan 13, 2015 6:13 pm

Nismës ja marrin edhe Degën e Gjakovës - Jakupi thotë se koalicioni po blenë njerëzit e opozitës

Naim Hasanaj, që ishte edhe kandidat për deputet nga Nisma për Kosovë, ka njoftuar se komplet strukturat e këtij subjekti politik në Gjakovë kanë dhënë dorëheqje. Sipas Hasanajt, shkaku i dorëheqjes është orientimi i partisë në disa individë.

“Nga data 30 prill 2014 kemi marrë përgjegjësi për të udhëhequr dhe ndërtuar strukturat e Nisma për Kosovën – Gjakovë, kemi punuar me qëllimin e vetëm për ndryshimin e gjendjes ne vend, brenda një platforme të përbashkët ku ishim rreshtuar për të mirën e qytetarëve të Kosovës. Jemi fokusuar me të gjitha potencialet tona për krijimin e nëndegëve në çdo fshat dhe lagje të qytetit të Gjakovës, angazhimi i ynë i përbashkët rezultoi më krijimin e strukturave të fuqishme të degës”, thuhet në reagimin e Nismës për Kosovën dega në Gjakovë.
Ish-zyrtarët e Nismës kanë vlerësuar se puna e tyre nuk është marrë në konsideratë gjatë zgjedhjeve dhe janë të zhgënjyer.
“Aktiviteti i pa rezervë nga nëndegët dhe strukturat e degës asnjëherë nuk u vlerësua nga strukturat qendrore të Nisma për Kosovën. Slogani ‘Ne mbajmë fjalën’ për strukturat qendrore të Nisma për Kosovën nuk ishin asgjë tjetër veç se një togfjalësh. Subjekti politik me vizion dhe me vlera te cilat janë proklamuar në vazhdimësi u kthye në grup njerëzish në shërbim të interesave të një grupi të vogël individësh. Mbyllja e subjektit rreth disa individëve, vendimet ad hoke, mungesa e një agjende të qartë për të ardhmen e subjektit, e shumë arsye të tjera të cilat kemi hasur gjatë kësaj periudhe kohore janë arsye të mjaftueshme për një vendim të tillë. Ne ndihemi të zhgënjyer nga struktura qendrore të Nisma për Kosovën. Ne falënderojmë votuesit tanë për besimin e dhënë. Ne do vazhdojmë përkushtimin tonë që zëri i tyre të dëgjohet dhe interesat e shoqërisë të jenë mbi interesat individuale apo grupore”, njofton ky subjekt politik.
Nga ana tjetër, ka reaguar Jakup Krasniqi, i cili pretendon se koaliconi po blenë njerëzit e opozitës.
"E përsërisë: Me shantazhe dhe blerje te ndonjë individi, nuk zgjidhen problemet e shumta te qytetarëve të Kosovës.
Kështu, ky koalicion qeverisës duhet ta ndërpresë çdo formë të shantazhit, kërcënimit dhe joshjes së njerëzve të opozitës e as te Nismës për vende të punës (zv. ministra e diplomaci). Ata duhet ta ndërprenë çdo formë të pazareve për blerjen e njerëzve të opozitës me paratë publike! Me këto veprime të pa ligjshme, ju edhe mund ta zgjidhni problemin e ndonjë profiteri apo edhe hallin e ndonjë individi, por kurrë jo problemet që jeni të thirrur t’i zgjidhni, pasi ato janë tepër komplekse për rezonin tuaj politik, intelektual, atdhetar e profesional", ka shkruar Krasniqi në facebook.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31