Historia tronditëse e 19-vjeçares që u mbajt si “skllave seksi” nga ISIS

nga **Agim Gashi** Wed Jan 14, 2015 5:24 pm

Historia tronditëse e 19-vjeçares që u mbajt si “skllave seksi” nga ISIS

E ulur në një dysheme të pistë, e veshur me një vell të zi që iu dha nga shefi i tyre, Hamshe i ka sytë e mbushur me lot dhe vështrimin e turbullt. Është e para “skllave seksi” që ka pranuar të flasë për gazetarët dhe të tregojë para kamerave historinë e saj 28 ditore në duart e ushtarëve të Shtetit Islamik. Hamshe është 19 vjeçare, por e kaluara e saj është një makth. Kur verën që kaloi, ISIS shkatërroi fshatin e saj të mbushur me besimtarë yazidi, rrëmbeu të gjitha gratë. Ajo u tërhoq zvarrë nga shtëpia e saj bashkë me burrin dhe fëmijën e vogël. Në atë kohë ajo u dhuna edhe pse ishte shtatzënë. Me arritjen e në fshat të xhihadistëve, ndanë veç e veç gratë me burrat. Të parat u kthyen në “skllave seksi” ndërsa të dytët në ushtarë ose të vdekur. Ishte ai momenti kur Hamshe pa për herë të fundit burrin e saj. Vetëm me vështrim i thanë njëri tjetrit “mirupafshim” ndërsa atë e tërhiqnin zvarrë për ta dërguar në betejë, ku edhe gjeti vdekjen kohë më vonë. Vajza dhe fëmija i saj, si të gjitha gratë u shpërndanë në duart e ushtarëve. Disa u shitën, të tjera iu dhuruan ushtarëve si shpërblim për angazhimin e tyre në xhihad.

“Secili prej tyre mori një vajzë yazidi”, - tregon Hamshe. “Një burrë më mori në shtëpinë e tij dhe më mbylli në një dhomë duke më kërcënuar se nuk do të më jepte as bukë dhe as ujë nëse do të refuzoja të martohesha me të. Vajzat e tjera i detyruan të jepnin gjak për ushtarët e plagosur. Cili “zot” i lejon këto veprime?”

Ndërsa sytë i mbushen sërish me lot Hamshe merr kurajë dhe tregon largimin e saj nga tmerri. “Një natë djali u zgjua dhe kërkoi ujë. U ngrita dhe pashë që të gjithë rojet po flinin. Mora djalin në krahë dhe një shishe me ujë dhe u largova fshehurazi. Eca për 4 orë derisa takova një arab që më mbajti në shtëpi për 3 ditë përpara se të më shoqëronte në Peshmerga ku vëllai im erdhi dhe më mori në shtëpi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30