Faruk Tasholli:Ekskluzive: Si e shiste Serbia argjendin e plaçkitur të Kosovës në Angli më vitin 1996?

nga **Agim Gashi** Mon Jan 19, 2015 8:02 pm

Faruk Tasholli:Ekskluzive: Si e shiste Serbia argjendin e plaçkitur të Kosovës në Angli më vitin 1996?

Në vitin 1996 e gjetëm një dokument ku blloka argjendi të Kosovës nga Trepça me pastërti 999 promoila me vlerën kushtuese 436.716,20 dollarë Serbia i shiste në Angli.
Këtë të vërtetë të hidhur, me faksimil të dokumentit, e botova në gazetën „Bota sot“ në Zürich të datës 11 tetor 1996.
Dokumenti i shitjes, përmes telefaksit, i kishte rënë në dorë bashkatdhetarit Bahtir Avdiu, i cili aso kohe në Mitrovicë kishte një zyrë private, e cila shërbente si agjensi udhëtimesh për Gjermani. Kompetentëve serbë të kohës, gabimisht iu kishte rrëshqitur faksi dhe kishte rënë në duar të shqiptarëve.
Kështu, më 19.02. 1996 përmes firmës „Jugometal“ të Beogradit, nga minierat e Trepçës i shiten Anglisë 2.503,820 kilogramë argjend, pranuese e të cilit është firma angleze „Metachem INT.LTD“ me adresën 27 Southamont Stret, London ëC 2E 7 JA. E gjithë kjo sasi argjendi në blloka me pastërti 999 promila ka vlerën kushtuese 436.716,20 dollarë amerikanë. Kjo sasi e argjendit, përmes aeroportit të Beogradit me numrin e kontrollit 619, liferohet përmes Zvicrës për në firmën britanike.
Të gjitha këto të dhëna vërtetohen përmes faturës dhe fletëpagesave si dokumentacion përcjellës i mallit, i cili dokumentacion, sikur rastësisht ka „rrëshqitur“ në telefaksin e një firme shqiptare në Mitrovicë. Ky ishte vetëm një rast. Por, sa kohë i kishte duart e lira Serbia që ta shiste argjendin, por edhe arin e Kosovës. Tash kur u aktualizua çështja e pronësimit të Trepçës, përkatësisht shndërrimi i saj në ndermarrje publike të Kosovës, reagimi i shtetit serb ishte shumë i ashpër. Në një mënyrë qeveria e Serbisë e tha fjalën e saj të fundit se gjithë trazirat disavitëshe në veriun e Kosovës, nuk u bënë për asgje tjetër, por që Trepça t’i shkëputet Kosovës. Në këtë menyrë Serbia, tash së fundi, tërthorazi po kërkon eksteritorilizëm ekonomik, pas atij kishtar që në një mënyrë veç e ka realizuar.(Në foto është botimi i faksimileve ne gazetën „Bota sot“ mw 11 tetor 1996)

Faruk Tasholli:Ekskluzive: Si e shiste Serbia argjendin e plaçkitur të Kosovës në Angli më vitin 1996? Trepca1

Faruk Tasholli:Ekskluzive: Si e shiste Serbia argjendin e plaçkitur të Kosovës në Angli më vitin 1996? Trepca1

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30