Adem Demaçi u bën thirrje qytetarëve të mos dalin në protesta

nga **Agim Gashi** Thu Jan 22, 2015 4:58 pm

Adem Demaçi u bën thirrje qytetarëve të mos dalin në protesta

Veprimtari i çështjes kombëtare, Adem Demaçi, nuk i sheh si zgjidhje protestat të cilat kanë bërë si rrallë herë bashkë opozitën dhe një pjesë të shoqërisë civile, e përmes të cilave po kërkohet shkarkimi i Ministrit për Kthim, Aleksandar Jablanovic.

Demaçi thotë për Politiko.net se problemet nuk zgjidhen as me protesta e as me largimin e Jablanovicit e Stojanovicit.
Ai thërret që të mos humbet kohë kot me protesta por që problemi të goditet aty ku mund të ndryshohet sistemi.
“Faji është te ne që ia bëjmë të mundur Jablanovicit që të herë të jetë anëtar i Qeverisë së Serbisë e herë anëtar i Qeverisë së Kosovës, të zgjidhet andej e këndej. Këto lojëra që po luhen e përbuzin Kosovën, e shkelin sovranitetin e Kosovës, e shkelin pavarësinë e Kosovës dhe këtu dikush është përgjigjes”.
“Jablanovici është një njeri dhe në vend të tij mund të vij Stojanovici, dhe vjen tjetri, kështu që mos të kapemi kot se nuk mund ta rregullojmë atë punë me largimin e Jabllanovcit apo Stojanovicit. Duhet të goditet atje ku mund të ndryshohet sistemi për ta shikuar bota dhe të tjerët që megjithatë shqiptarët nuk janë asi syleshësh. Dikush është duke luajtur me ne dhe me dinjitetin tonë”, thotë Demaçi për Politiko.net.
Sipas tij, Serbia i zgjedh njerëzit dhe ata pastaj si të zgjedhur atje emërohen këtu. E këtu Demaçi e sheh edhe problemin.
“Kemi ne serbë që janë të gatshëm ta pranojmë sistemin tonë, ta pranojnë bashkëpunimin me ne si Rashiqi me të tjetër – ata lihen anash për shkak të lojërave të Serbisë e cila në çdo mënyrë po mundohet ta pengojë dhe njollosin sistemin tonë. Këtu duhet të kapemi dhe jo për Jablanovicin dhe mos të humbim energji dhe kohë që të bëhemi sikur ata arabët që çohen dhe bëjnë poterë andej- këndej pa kurrfarë kuptimi”.
“Dëgjojeni Baçin, kapuni për gjëra serioze, esenciale, substanciale e mos u kapuni për një ministër”, apelon Demaçi, dy ditë para protestës gjithë popullore të thirrur për të shtunën në Prishtinë nga Lëvizja Vetëvendosje, organizata “Thirrjet e Nënave” dhe të përkrahur edhe nga AAK dhe Nisma si parti opozitare, por edhe nga Rrjeti i Grave të Kosovës.
Protesta po mbahen në shumë qytete të Kosovës, përmes të cilave po kërkohet shkarkimi i ministrit Jablanovic, i cili javë më parë i quajti egërsira nënat gjakovare të cilat kanë humbur më të dashurit e tyre gjatë luftës, e të cilat po kundërshtonin vizitën në Gjakovë të atyre që i konsiderojnë përgjigjes për krimet e bëra në këtë qytet.
Por Adem Demaçi, një njeri i cili ka kaluar 28 vjet në burgjet serbe këto protesta i sheh si humbje kohe, pasi sipas tij, me to nuk zgjidhet asgjë.
“Kjo është një e keqe që po na rrjedh e mos u merrni me atë lëngun që po bie poshtë me do pjata e legenë, që po mundohen me largu Jablanovicin e Stojanovicin – kjo nuk është asgjë, vetëm sa për të humbur kohë”, deklaroi Demaçi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Adem Demaçi u bën thirrje qytetarëve të mos dalin në protesta

Adem Demaçi u bën thirrje qytetarëve të mos dalin në protesta

​Veprimtari i çështjes kombëtare, Adem Demaçi, nuk i sheh si zgjidhje protestat të cilat kanë bërë si rrallë herë bashkë opozitën dhe një pjesë të shoqërisë civile, e përmes të cilave po kërkohet shkarkimi i Ministrit për Kthim, Aleksandar Jablanovic.

Veprimtari i çështjes kombëtare, Adem Demaçi, nuk i sheh si zgjidhje protestat të cilat kanë bërë si rrallë herë bashkë opozitën dhe një pjesë të shoqërisë civile, e përmes të cilave po kërkohet shkarkimi i Ministrit për Kthim, Aleksandar Jablanovic.