Bahtiri: S'ka marrëveshje - Minatorët vazhdojnë grevën

nga **Agim Gashi** Thu Jan 22, 2015 5:06 pm

Bahtiri: S'ka marrëveshje - Minatorët vazhdojnë grevën

Minatorët e kompleksit “Trepça” janë të vendosur të vazhdojnë grevën, ka konfirmuar për Radion Evropa e Lirë kryetari i komunës së Mitrovicës, Agim Bahtiri.

Minatorët po kërkojnë që kompleksi Trepça të menaxhohet nga qeveria e Kosovës dhe jo nga Agjencia Kosovare për Privatizim.
Bahtiri tha se edhe pas pesë orë bisedimesh me këshillin grevist dhe menaxhmentin e Trepçës, nuk ka arritur të bindë grevistët që të ndërprejnë grevën.
MInatorët kanë diskutuar me zotin Bahtiri dhe menaxhmentin e kombinatit letrën që ka dërguar të mërkurën kryeministri i Kosovës, Isa Mustafa.
Në këtë letër, zoti Mustafa ka siguruar se Qeveria e Republikës së Kosovës, "është duke ndërmarrë të gjitha veprimet e nevojshme dhe të mundshme ligjore, që statusi i Trepçës të zgjidhet një herë e përgjithmonë në interes të minatorëve dhe të qytetarëve të Republikës së Kosovës".
“Por, për ta ka qenë e papranueshme ajo shkresë e cila është drejtuar nga kryeministria. Përpjekjet tona kanë qenë makismale që të pezullohet kjo grevë, por nuk arriti një pëlqim", tha Bahtiri, duke tërhequr vërejtjen për gjendjen e përkeqësuar shëndetësore të grevistëve.
Ai bëri thirrje për zgjidhje sa më të shpejtë, pasi që "grevistët janë të vendosur që të nisen në këmbë për në Prishtinë të shtunën".

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30