Rrustem Geci, poemë nga libri “ Kanuni poetik”

nga **Agim Gashi** Mon Jun 15, 2009 12:31 am

G R A F I T E T

( p o e m ë )

...nga të gjitha veset e mia
dashnorët mbeten “dobësia”
ndoshta mrekullia ime !...
G r e s a

Ku jeni ju ish dashnorët e mi
ju që më puthët, që më deshët
ju më të mirët e shpirtit tim, më
të ëmblit, të dashurit e asaj kohe
ju , që u futët aq thellë në mua

Në këtë qytet me shumë ngjyra
për herë të parë jam përqafuar
puthur jam me djemtë më të mirë
kam përjetuar të “magjishmen”
ende pa i mbushur të 16- tat

Në akuarelin e ëndrrave të mia
Astriti ishte “pellazgu” i vërtetë
më “bandilli” në moshën time
me vasha ishte i dashur e skofiar
e djemtë ankoheshin s´i tekanjoz!

2

Në shpirtin e prushtë të vashave
“pellazgu” ishte gjysmë perandor
me atë unë e ndieja puthjen bukur
se ai ishte “kalorës” i shkëlqyer
dashuria me atë nuk kishte kufij!...

Në moshën time isha më e bukura
mashkujt më quanin të “virgjër”
në punë dashurie s´ma kalonte kush
isha me ves, i doja shumë djemtë
Kuptohet ata që i pëlqente zemra;

Në këtë qytet të bukur K´hajamësh
aroma e ftoit më ka dehur përherë
dashnorët e Tiranës e të Prishtinës
janë dashnorë vërtet të çmendur
por, as të tjerët s´ janë pa sheqer

Në këtë natë ku unë ndodhem
dua njërin nga ish dashnorët, atë më
të dehurin, të trishtin, më të uriturin
atë që ma shtjerr kupën sonte
atë që më bën të harrohem e tëra!

3

Gra të mira të dashnorëve të mi
gra të bukura, të dashura,familjare
më falni për këtë ”sulm” të vonë
unë sonte kërkoj njërin nga ata
që etjen e mbushin me e t j e !...

Gra të mira të dashnorëve të mi
mos u zemroni, mos merrni inat
se edhe ju dikur ishit dashnore të
njëri-tjetrit, por, për arsye të mira
gruaja përherë është e virgjër...

Në këtë natë ku unë ndodhem
e gjeta njërin nga ish dashnorët
qenka i dehur, gjysmë i stresuar
asokohe atë e quanim, Akuarel
sepse ai aso kohe merrej me art!

Dëgjojeni si ( f l e t ) Akuareli;
“zonjë e ëndrrës dhe e puthjes
ujëz e praruar, ma jep buzën pak
ta prek , ta puth , ta kafshoj,
se kjo natëjetë ka një kuptim!..

4

E di që ora ka vajtur vonë
dhe aroma e ftoit më nxit
se kjo ( n a t ë j e t ë ) e imja
më bën të dashuroj me fund
Akuarel, i thosha unë mikut
nëse e do “biblën” më puth!

E dashur, l e x o m a shpirtin
lexoma puthjen , përqafimin
ishin fjalët e Akuarelit
përpara se të ndodhë kjo natë
unë do jem ai K´hajami yt

...s´ka më e shenjtë se puthja
s´ka më i shenjtë se përqafimi
kjo zhveshje n´ këtë mesnatë
m´u në mes të kryeqytetit
i jep gjak të puthurave
dhe kuptim takimit tonë

Akuarel, Ardi ishte i fejuari im
me atë unë isha shumë intime
e doja, më donte; ishte i ëmbël
por gojët e këqia na ndanë

5

Fjala e ligë është s´i rrufeja
ajo lind nga barku i së keqes
dhe për rrethanat e asaj kohe
ato fjalë ishin të mjaftueshme
për ta prishur fejesën tonë;

Akuarel, këtë çast mjaftohemi
e puthura gojën s´ ma lëndon
shpirt shtrëngoje Gresën, duaje
puthe Gresën , puthe, kafshoje
në dashuri fillimet më pëlqejnë;

Në çastet e mia të erotikës
E bukura është te e ndjeshmja
tek metafizika e shtrëngimit
tek morali, në çastin e dhënë
tek të fshehtat shpërthyese

Hyr në mishin tim, hyr thellë
dhe mos kërko asgjë përtej
këtë moral ka Gresa, përqafom
duaje “biblën” time , puthe
ti je kalorsi im , marsho!...

6

Asgjë e bukur s´ më ka humbur
puthja e përqafimi më bëjnë mirë
burrat me push unë i pëlqej
kur janë të etur, kur kanë uri
thjesht më bëjnë të dashurohem

Në librin e dashnorëve të qytetit
qyteti ynë është plot me grafite
por aty mungojnë shumë emra
apo Bashkia e qytetit i ka fshirë
për ndonjë ( plotësim ) shtesë!

Për këtë “ punishte ” të lashtë
pak është shkruar, pak është folur
këto grafite mbi faqet e mureve
janë një “libër” me plotë të meta
që Gresën shumë e zemërojnë!

Unë s´ di a ka fjetur ky qytet
apo mendja m´ ka ngecur diku
ky qytet di të flasë argo, të qeshë
a k t i n e puthjeve dhe flirtin
me muzikë të oheve i kam bërë!...

7

E di që ora ka shkuar vonë
dhe s´ di tashti çfarë të bëj
unë këtë natë e parandieja,
si një rishfaqje të së bukurës
se kjo kohë ka tjetër emër
d a s h u r i a në shtëpi ose
nëpër vaska me ujë, jo rrallë
më bën të mërzitem shumë!..

Prishtinë, Tiranë, 1993-1994

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30