LDK kërkon dorëheqjen e Shpend Ahmetit

nga **Agim Gashi** Wed Jan 28, 2015 3:55 pm

Asamblistët e LDK –së në Prishtinë kanë bërë akuza të rënda ndaj kryetarit të Prishtinës Shpend Ahmeti.

Ata, përmes një kumtese dërguar medieve, shprehin keqardhje për dëmet e shkaktuara në pronën publike dhe private të kryeqytetit, të shkaktuara në protestat e dhunshme të organizuara nga Vetëvendosja. Në këto protesta, thotë kumtesa, mori pjesë e tërë udhëheqja e Komunës së Prishtinës dhe vetë kryetari Shpend Ahmeti.
Duke qenë pjesëmarrës i protestave të dhunshme të 27 janarit 2015, duke dashur të ketë dalë si protestues dhe eksponent politik i Vetëvendosjes, kryetari i komunës së Prishtinës Shpend Ahmeti, harroi se është kryetar i kryeqytetit, harroi se është kryetar i të gjithë qytetarëve, se është udhëheqës dhe menaxhues i pasurisë së Kryeqytetit.
Shpend Ahmeti jo vetëm që doli të mos jetë kryetar i denjë i qytetarëve të Prishtinës, por ai me eksponencën e tij dhe me sjelljen e tij, pa fije të ndërgjegjes politike, pa fije të ndërgjegjes e të përfaqësimit të të gjithë qytetarëve të kryeqyetit, doli të jetë një nga organizatorët e dhunës në kryeqytet.
Arrestimi i tij si protestues i pandërgjegjshëm reflektoi cenuesin e rendit kushtetues të Republikës së Kosovës
Shpend Ahmeti nga pushteti i Prishtinës e mallkoi policinë e Kosovës. Ai nga pushteti i Prishtinës i bëri hyxhym rrënimit të shtetit të tij. Ai nga pushteti i kryeqytetit e turpëroi Prishtinën.
Një rrënues i vendit e i shtëpisë së vet si ky kryetar, nuk i duhet as kryeqytetit e as pushtetit. Kërkojmë nga Shpend Ahmeti që ta shqyrtojë pozicionin e tij prej kryetari të kryeqytetit. Vetëm dorëheqja e tij do ta shpëtonte kryeqytetin nga cenimi i rëndë që i bëri demokracisë së brishtë të këtij vendi, kanë thënë ndër të tetar ata.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30