Prekëse: Rrëfimi i vajzës që pret ekzekutimin e nënës së saj (Foto&Video;)

nga **Agim Gashi** Wed Feb 04, 2015 8:58 pm

Prekëse: Rrëfimi i vajzës që pret ekzekutimin e nënës së saj (Foto&Video;)

Asia Bibi, një grua e varfër dhe analfabete, nga një fshat i rajonit Punjab të Pakistanit, e dënuar me vdekje për fyerje të Profetit Muhamed, zgjohet çdo mëngjes duke pritur ditën e ekzekutimit nga gardianët. Asia është e krishterë, por i mohon akuzat për blasfemi kundër Islamit, duke thënë se ato i janë mbështetur nga disa gra myslimane, fqinje të saj.

Në një intervistë dhënë për BBC-në, të transmetuar nga lajmi.net, burri i saj ka bërë thirrje për ndihmë nga bashkësia ndërkombëtare, duke kërkuar që gruaja e tij të lirohet dhe të lejohet të jetojë me të e fëmijët e saj në Punjab.
Në Pakistan, edhe akuzat më të lehta për blasfemi mund të përfundojnë me dënim me vdekje. Këto janë të mjaftueshme për të bërë të gjithë familjen një objektiv për radikalët islamikë.

Kjo është edhe arsyeja pse anëtarët e familjes së Asias jetojnë të fshehur për gati pesë vjet. Menjëherë pas dënimit të saj, turmat e njerëzve dolën në rrugë duke bërë thirrje për ekzekutimin e saj, e disa kërcënuan se do ta vrasin vetë nëse ajo do të arrijë të dalë nga burgu ndonjëherë.
Burri i Azisë Ashiq Massih dhe pesë fëmijët e saj kanë qenë në arrati që kur ajo u arrestua, duke thënë se çdo ditë e jeton me frikë se mund ta vrasin atë apo ndonjërin nga pesë fëmijët e tyre.
“Kemi marrë kërcënime me vdekje, prandaj nuk mund të qëndrojnë në një vend për shumë kohë.
Jetojmë të fshehur. Është shumë e vështirë sidomos për fëmijët. Ata nuk mund të zënë vend apo të studiojnë”, tha Massih, duke thënë se jeta që bën familja e tij nuk është jetë normale.

Problemet e gruas, Azisë, filluan kur ajo u ngatërrua rreth një copë toke të mbjellë me manaferra, në fshatin e saj të quajtur Itan Wali. U fjalos me disa gra myslimane kur ajo shkoi për të marrë ujë nga pusi. Fjalosja filloi kur asaj i thanë se uji nuk ishte i papastër për shkak se ishte prekur nga një grua e krishterë.
Ditë më vonë gratë pohuan para burrave të fshatit se Asia e kishte fyer Profetin Muhamed, edhe pse nuk kishte thënë asgjë mbi Profetin. Por ditë më vonë ajo u ndjek nga një turmë njerëzish, e zunë në fushë dhe e rrahën.
“Ata shkuan në fusha dhe e rrahën, ia grisën rrobat. E rrahën përpara nesh”, tha vajza e saj 14-vjeçare, Esham, duke u përpjekur për të mos lëshuar lotët. “Ne qanim dhe i lusnim për të ndalur goditjet, por nuk u ndalën për gati një orë”.
Historia e Azisë ka gjeneruar një debat në të gjithë Pakistanin për reformimin e ligjeve që përfshijnë edhe blasfeminë, por kjo çështje konsiderohet e ndjeshme dhe shumë politikanë preferojnë t’i shmangën këtij debati, transmeton lajmi.net.
Dy politikanë të njohur që folën kundër vrasjes së Asisë janë vrarë.

Salman Taseer, guvernatori i Punjab, u qëllua nga truproja e tij, sepse ai mbrojti Asinë, duke thënë se ajo duhet falur. Por vrasësi i tij, Mumtaz Qadri, tani konsiderohet si një hero nga shumë njerëz në Pakistan.
Jo shumë kohë më pas, ministri i pakicave, Shahbaz Bhatti, u vra për shkak se foli kundër ligjit për blasfemi.
Blasfemia është një krim i rëndë në Pakistan dhe dënohet me dënim kapital – vdekje. Por ka raste, së paku 50 deri tani, që janë vrarë për blasfemi përpara se të përfundonin gjykimet e tyre.
Avokatët dhe gjykatësit të cilët merren me këto raste janë të kërcënuar dhe shpesh sulmohen.
Asma Jahanghir, e cila ka punuar në rastet e blasfemi për më shumë se 20 vjet, thotë se ajo ka qenë në shënjestër rregullisht. “Jo toleranca fetare është diçka që disa njerëzve po u sjell përfitime, famë e pasuri, ndërsa gjykatat vazhdojnë të jenë të frikësuara”, tha Jahanghir.
Jahangir nuk beson se do të falet Asia, për shkak të zemërimit që mund të shkaktojë lirimi i saj. Por burri i Azisë i bën thirrje bashkësisë ndërkombëtare që të ndihmojë, ndërsa qeverisë pakistaneze i lutet për të shqyrtuar vendimin.
Asian e vizitojnë në burg kohë pas kohe bijat e saj. “Herën e fundit e pamë nënën në muajin dhjetor. I kërkuam anëtarit të Këshillit drejtues për të na hapur qelinë, kështu që ne të mund ta përqafonim, por ai nuk na plotësoi këtë dëshirë. Nëna na përqafoi dhe na puthi nga prapa hekurave. Ajo bërtiti thellë nga zemra e saj”!, tha Esham e përlotur.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30