AGIM GASHI:LËSHOJNË KOSOVEN QEVERITARËT

nga **Agim Gashi** Sat Feb 07, 2015 11:43 pm

AGIM GASHI

LËSHOJNË KOSOVEN QEVERITARËT

Zoti i Madh kur don me t´shpëtu
Qeveritarëve u lëshon mend,
Me u zgjue me hyp në busa
N´Hungari done me zanë vend.

Kan vendos atje me shku
Azil me lypë diku n´kufi,
Me pas afer gjithmonë Serbinë,
Me formue nji qeveri.

Patriotizmi ska kufi
Sikur smundje n´Kosovë ka hy,
E ka rrokë Parlamantin,
Paska shkue në Qeveri.

Për me shpëtu këtë popull t´mjerë
Mos me shkue azil n´Evropë,
Krejt udhëhqja sakrifikohet
Do me ikë po nga kjo tokë.

Janë rreshtue të gjithë me radhë
I pari hyn Isa Mustafa,
Pas tij hype Hashim Thaqi,
Që kish pas sure të gjata.

Pastaj hyp Kadri Veseli
E tanë SHIK-u shkon pas tij,
Plot ministra e zavendës ministra
Shkret me lanë atë Qeveri.

Gjithë hajninë edhe haraçin
Që e tubuen për shumë vjet,
Krejt me e lanë në Kosovë
Sot vendosen me nji dekret.

Atje ku t´shkojnë shkruhen azil
Mos me qitë shtetin në lojë,
Kshtu flijohen për atdheun
Patriotizmi në peshojë.

Populli i tani zuni vendet
Me përcjell qeveritar,
Që po ikun me pshtue popullin
Ma ua marr t´shkretin “hallall”.

Ban me dor Kryeministri
E Hashimi me lotë në sy,
Qan Kadriu e qan Ismeti
Lamtumirë Nana Arbni.

Presidentja me dënesë
Qan´ e qan´ sdin me u ndal.
Kjo Edita ja fshin lotët
Gajret bijë i paska thane.

Askujt në botë nuk i ka ndodhë
Qeveria me u fliju,
Me e lshue me dhanë dorheqje
Për popull t´vet me u fliju.

Me t´madhe briti Opozita
Ku jeni neve t´u e na lane,
Ju ka dale të gjithëve gjumi
Krejt kjo punë anderr ish kanë.

Hajmedet bre për popullin mbarë
Prap me busa po udhëtojnë,
Lshojnë atdheun me dhimbje zemrash
Qeveritarët kangë po knojnë.

07.02.15
DÜREN

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30