Ymeri i VV-së: NATO bombardoi ish-Jugosllavinë për interesa të imperializmit amerikan (Video)

nga **Agim Gashi** Tue Feb 24, 2015 11:37 pm

Ymeri i VV-së: NATO bombardoi ish-Jugosllavinë për interesa të imperializmit amerikan (Video)

Visar Ymeri

Se Lëvizja Vetëvendosje nuk ka raporte të mira me përfaqësuesit e Shteteve të Bashkuara të Amerikës në Kosovë, ky më nuk është lajm. Por, liderët e kësaj lëvizje kanë dyshime edhe në intervenimin e NATO-s për çlirimin e Kosovës. Ata besojnë se SHBA-të këtë e kishin bërë jo për të ndihmuar shqiptarët, por për të shtrirë ndikimin e tyre edhe në këtë pjesë të Evropës.

Visar Ymeri, i cili nga rezultatet paraprake të zgjedhjeve të fundit në këtë parti, pritet të merr drejtimin e Lëvizjes Vetëvendosje, në një dokumentar i cili flet për shpërbërjen e ish Jugosllavisë, thotë se intervenimi i NATO-s në vitin 1999 ishte bërë me qëllime të caktuara të perëndimit.
Ai thotë se bombardimet e NATO-s në Kosovë gjatë vitit 1999 po bëheshin për interesa personale të shteteve anëtare të këtij pakti.
Në minutën e 60-të të këtij dokumentari, Ymeri thotë: “Unë mendoj që regjioni është shumë i rëndësishëm gjeostrategjikisht, kështu që Kosova është vend potencial që siguron prezencën e tyre në regjion”.
Ai vazhdon me prononcimin e tij tek pjesa 1 orë e 13 minuta e dokumentarit ku thotë: “Unë konsideroj që bombardimi që bënë Ndërkombëtarët dhe Perëndimi në vitin 1999 kundër Serbisë u bë i mundshëm për interesa gjeostrategjike që mundë t’i kenë pasur shtetet e Perëndimit dhe në veçanti SHBA-ve”.
Ky dokumentar është i cili bartë frymë të politikave të majta, është pjesë e atyre teorive, se SHBA-të intervenimet ushtarake nëpër botë i kryejnë me qëllime imperialiste.
Sipas tyre, ato gjejnë një shkak politik, në raste të caktuara edhe duke e shpikur atë, për të justifikuar intervenimin ushtarak, ku më pas i hapet terreni korporatave të mëdha amerikane dhe të tjera perëndimore, për të shfrytëzuar pasuritë e atyre vendeve.
Vetëvendosje vazhdon të ndjekë politika të tilla, ku kundërshton ashpër privatizimin dhe shitjen e ndërmarrjeve publike, korporatave perëndimore.
Të tilla janë edhe kundërshtimet që kjo lëvizje shprehë për koncesionimin e Aeroportit të Prishtinës, privatizimin e PTK-së, resurseve energjetike të Kosovës, e të tjera.
Pra sipas Vetëvendosjes, në këtë rast sipas liderit të ardhshëm të saj, Visar Ymeri, SHBA-të dhe vendet tjera të Perëndimit, nuk kanë bombarduar Serbinë, për ta shpëtuar popullin shqiptarë të Kosovës, nga shfarosja, por për të shtrirë ndikimin e tyre politik, ekonomik dhe ushtarak në këtë pjesë të Evropës. (lajmi.net)

- See more at: http://lajmi.net/ymeri-i-vv-se-intervenimi-i-nato-s-ndodhi-per-interesa-te-imperializmit-amerikan-video/#sthash.f4BeJz8M.dpuf

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30