Vrasje e trefishtë në Prizren

nga **Agim Gashi** Sun Mar 08, 2015 8:24 pm

Vrasje e trefishtë në Prizren

(E plotësuar)- Zyrtarët e Policisë së Kosovës janë në vendin e ngjarjes dhe janë duke kryer hetimet lidhur me vrasjen e trefishtë që ka ndodhur sot në qytetin e Prizrenit.
Zëdhënësi i Policisë, Hazir Berisha, ka treguar se ende nuk dihen motivet e kësaj vrasje.
“Ende nuk dihen motivet e kësaj vrasje”, ka thënë Berisha, për mediat në vend.
“Më vonë mund të tregojmë edhe motivet e mundshme”, ka shtuar ai.
Berisha ka treguar se kanë bastisur një shtëpi por ende nuk i kanë arrestuar të dyshuarit për vrasjen e trefishtë.
“Ende s’është arrestuar. Është bastisur një shtëpi dhe s’i kemi gjetur të dyshuarit”, ka shtuar ai.
Policia ka identifikuar dy të dyshuarit, të cilët ende ndodhen në arrati. Ata sipas policisë kanë shtënë me dy lloj armësh në drejtim të viktimave, me një kallashnikov dhe pistoletë.
Ndërkohë, burime të mediave, kanë treguar se vrasja ka ndodhur për motive hakmarrjeje mes dy familjeve.
Njëri nga dorasit, sipas këtyre burimeve, para rreth një muaj e gjysmë ka qenë i rrahur nga viktimat.
Gjithashtu sipas këtij burimi, njëri prej të dyshuarve, edhe më parë ka kryer vrasje. Ai ka vuajtur një dënim me burg në Gjermani, për vrasje të dyfishtë atje. Sikurse viktimat, ashtu edhe vrasësit thuhet se janë nga qyteti i Prizrenit.

***
Sot gjatë ditës në Prizren ka ndodhur një rast i rëndë i një përleshjeje me armë zjarri mes disa personave.
Para pak minutash, në rrugën afër Spitalit Regjional të Prizrenit, ka ndodhur vrasje e trefishtë.
Zëdhënësi i Policisë së Kosovës për rajonin e Prizrenit, Hazir Berisha e ka konfirmuar këtë rast për kallxo.com.
“Sapo arrita në vendin e ngjarjes mund t’ ju konfirmoj se janë tre persona të vrarë, ndërsa nuk di detaje rreth motivit të vrasjes, për këtë do t’ ju njoftoj në ndërkohë”, tha zëdhënësi Berisha.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30