Nëna Tereze është vlerë e mbarë njerëzimit

Nëna Tereze është vlerë e mbarë njerëzimit

Në Emmendingen të Gjermanisë u mbajt mbëremje informative për Nënë Terezën




Tenori Shkodran Tolaj

Të shtunën në mbrëmje në Emmendingen afër Freiburgut të Gjermanisë, Shoqata «Yjet e Kosovës» në bashkpunim me SHHB «Nënë Tereza» dhe Misionin Katolik Shqiptar me seli në Litau të Zvicrës, organizoi një mbrëmje informative për nder të humanistës me famë botërore dhe nobelistes shqiptare, Nënë Tereza. Me këtë rast ishin ftuar të merrnin pjesë shumë personalitete nga jeta politike, kulturore dhe publike të qytetit Emmendingen dhe rrethinë. Në këtë mbrëmje ishte e pranishme edhe Kryesia e SHHB «Nënë Tereza» në Zvicër në përbërje me Kristë Tushi, kryetar, Xhafer Zeqiri, sekretar, Daniel Rosaj, arkatar, Llesh Duhanaj, bashkë me këshilltarët Pjetër Gjoni e Agim Alaj si dhe veprimtaret, Sabrije Alaj, Lule Tushi dhe Flora Rosaj të cilat me pjesëmarrjen dhe angazhimin e tyre i kontribuan këti takimi. Në çelje të tubimit, moderatorja gjermane Almut Langbein, foli për rëndësinë e madhe që kanë mbrëmjet e tilla për figura të mëdha si Nënë Tereza të cilat i dhanë aq shumë njerzimit, ndërsa në vazhdim u shfaq pjesa teatrale me titull «Engjulli i të varfërve jeton ë qiell dhe shpirtërat tanë», ralizuar nga anëtarët e Shoqatës «Yjet e Kosovës» me rexhi të Mustafë Shabanit. Me interesim të veçantë u mirëprit edhe tenori i mirënjohur shqiptar, Shkodran Tolaj dhe pianisti me famë në teatrin e qytetit të Freiburgut, Bernhard Moncado të cilët në mënyrë profesionale interpretuan tri pika muzikore të cilat u vlersuan lart me duartrokitje të gjata na të pranishmit. Pastaj në ekran të madh, përmes video-projektorit u shfaq filmi dokumentar me titull «Nëna e dashurisë» të autorit, Ismet Rashiti. Nga debati që u zhvillua me autorin, i cili poashtu ishte i pranishëm në tubim nga shumë pjesmarrës u vlersua se ky film është dokumentari më i realizuar për humanisten Nënë Tereza. Dokumentari ka përfshirë në tërsi jetën dhe veprën e Nënë Terezës, duke sjellur fakte të reja lidhur me kontributin e jashtzakonshëm që ka dhënë Nënë Tereza në Kalkutë dhe shumë vende të botës, përfshirë këtu edhe trojet shqiptare. Në vazhdim autori, Ismet Rashiti iu përgjegj pyetjeve të pranishmëve që kishin të bënin me dokumentarin, duke marrë urime dhe komplimente për punën profesionale.
Me një fjalë rasti të pranishmëve iu drejtua edhe ishkryetari i SHHB «Nënë Tereza» me seli në Litau, Pjetër Gjoni, i cili pasi falenderoi organizatorin për këtë mbrëmje informative, foli për figurën e Nënë Terezës, kontributin e madh të Shoqatës « Nënë Tereza » dhe njëkohësisht i përcjelli përshëndetjet e priftit Don Marjan Demaj, i cili për shkaqe objektive nuk kishte pasur të jet i pranishëm në këtë mbrëmje.
Folën pastaj edhe përfaqësuesit e Misionit Katolik Kroat, Drljo Mato, të klerit dhe të qytetit të Emmendingenit si nënkryetari i Emmendingenit dr. Johannes Fechner, delegat i Emmendingenit
Oscar Guidone, prifti Georg Metzger, kryetari i Caritasit Jochen Kandziorra e tjerë të cilët përpos që e vlersuan lartë kontributin e Nënë Terezës si nënë e botës dhe gjithë njerzimit, thanë se mbrëmje të tilla janë të mirëseardhura ngase ndihmojnë njohjen e njerzëve dhe kulturave, duke krijuar paqe e mirkuptim në mes tyre. Për të pranishmit, gratë shqiptare që veprojnë në kuadër të Shoqatës «Yjet e Kosovës», shtruan një byfe të pasur me specialitete shqiptare të cilat u pëlqyen nga pjesmarrësit gjermanë.
Komisioni për Informim i Shoqatës, «Yjet e lirisë» Emmendigen