Xhihadistët shqiptarë: “Na gjykoni me ligjet e Sheriatit jo të Shqipërisë”

nga **Agim Gashi** Mon Mar 30, 2015 10:33 pm

Xhihadistët shqiptarë: “Na gjykoni me ligjet e Sheriatit jo të Shqipërisë”

Edhe në seancën e dytë gjyqësore, xhihadistët shqiptarë që dërgonin luftëtarë vullnetarë drejt Sirisë, janë shfaqur pa praninë e avokatëve mbrojtës.
Në një zë ata i kanë kërkuar trupës gjyqësore që të gjykohen me ligjet e Allhaut apo Sheriatit, duke kundërshtuar ligjet shqiptare.
Si pasojë e kësaj ata kanë vendosur që të mos mbrohen me avokatë.
Kërkesa për një gjykim të tillë është bërë nga Fadil Mulosmani dhe Gerti Pashaj, të cilësuar nga Prokuroria e Krimeve të Rënda si eksponentë të rrezikshëm në drejtimin e celulës xhihadiste në Shqipëri.
Imami i vetëshpallur i xhamisë në Unazë të Re të kryeqytetit, Gerti Pashaj kërkoi lirimin e tij me pretendimin se është rrëmbyer dhe sjellë forcërisht në sallë, ndërsa për xhihadistin tjetër, Bujar Hysën gjykata po luan teatër me atë.
Procesi ndaj 9 të pandehurve që akuzohen për rekrutim të luftëtarëve në Siri, financim të celulës dhe terrorizëm, kanë qëndruar në të njëjtën linjë, gjykim me ligjet e Sheriatit.
Vetëm 2 prej tyre kanë preferuar të mbrohen me avokatë.
Avokati i të pandehurit Orjon Reçi kërkoi pavlefshmërinë e akteve të përgjimit dhe kërkoi gjykim të shkurtuar, ndërsa i pandehuri Astrit Tola kërkoi veçimin e çështjes në këtë gjykim. Trupi gjykues e shtyu seancën për javën e ardhshme.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31