Zeka: Dr Ibrahim Rugova-figurë e ndritur, Hashim Thaçi ishte anëtar i LDK-së

nga **Agim Gashi** Sat Apr 04, 2015 2:19 am

Zeka: Dr Ibrahim Rugova-figurë e ndritur, Hashim Thaçi ishte anëtar i LDK-së

Gazetari Milaim Zeka theksoi se presidenti historik, dr. Ibrahim Rugova e theu mitin 100 vjeçar serb dhe krijoi imazhin e shtetit dardan në Kosovë. Ai, në një intervistë për televizionin publik të Kosovës, RTK, ka thënë se ministri aktual i Punëve të Jashtme të Kosovës, Hashim Thaçi, dhe disa liderë të tjerë ishin anëtarë të LDK-së. Zeka po ashtu theksoi se LDK-ja kishte në projektin e saj edhe formimin e Ushtrisë së Kosovës me emrin FARK.

“Hashim Thaçi, Hydajet Hyseni dhe Jakup Krasniqi kanë qenë pjesëtarë të LDK-së. Nuk e di pse e mohojnë këtë gjë. Vetëm shqiptarët dinë ta mohojnë të kaluarën e tyre. Ka dëshmitarë të kësaj që po them”, ka thënë Zeka në emisionin Komiteti të RTK-së. Zeka gjithashtu ka zbuluar detajet se si anëtarët e parë të ish-Ushtrisë Çlirimtare të Kosovës ishin pjesëtarët e Forcave të Armatosura të Republikës së Kosovës.

Gazetari Milaim Zeka në emisionin “Komiteti” në RTK ka folur rreth Lidhjes Demokratike të Kosovës, dhe ish- presidentin Ibrahim Rugova. Zeka ka theksuar se LDK-ja ka e ka pasur si projekt formimin e Forcave të Armatosura të Kosovës atë kohë. Ai më pas ka treguar se ish presidenti Rugova në vitin 1990 kishte realizuar vizitën e parë të tij në Skandinavi, ndërkaq gjatë qëndrimit në Stokholm, Rugova kishte thënë se ky shtet nuk do ta ndihmonte Kosovën atëherë gjaku do të shkonte deri në gjunjë. Gazetari Zeka po ashtu ka thënë se Rugova ka qenë një njeri i ndjeshëm dhe se ka qenë një figurë politike shumë më e ndritur se këta që i kemi sot në udhëheqjen e vendit.

Sipas tij, Rugova ishte shqiptari i vetëm që e theu mitin 100 vjeçar serb se shqiptarët janë fundamentalist islamik apo leninist-stalinist. “Rugova ka qenë njeri shumë i ndjeshëm. E ka pas idol Pjetër Bogdanin. Rugova pas vitit 1997 ka bërë gabime shumë të mëdha, dhe nëse unë e kritikoj Rugovën nuk do të thotë që e quaj tradhtar.

Rugova i ndritur

Rugova 1 milion herë e ka prezantua Kosovën në botën e jashtme ma mirë se këta që i kemi sot. Këta politikanët aksidental as lepurushin me pesë këmbë se kanë lexua”, ka thënë Zeka, duke shtuar se Rugova ka qenë njeri që e ka thye mitin 100 vjeçar të Serbisë qe shqiptarët luftojnë vetëm për tokën e vet.

Ai ka shtuar se Ibrahim Rugova për dallim prej Veton Surroit e Bujar Bukoshit që e kanë shajt UÇK-në, ku do që kanë shkuar Rugova kurrë nuk e ka bërë një gjë të tillë. “Ibrahim Rugova ka menduar që vetëm përmes faktorit ndërkombëtar mund të zgjidhet çështja e Kosovës, nuk ka besu në luftë”, ka thënë Zeka./standardi.eu

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30