A mund të rihapet procesi për vrasjen e Komandant “Drinit”?

nga **Agim Gashi** Fri May 08, 2015 4:33 pm

A mund të rihapet procesi për vrasjen e Komandant “Drinit”?

Ekrem Rexha në mes me automatik në dorë

Ekrem Rexha, i quajtur me nofkën komandant “Drini”, është vrarë 15 vite më parë me 8 maj të vitit 2000 para shtëpisë së tij.
Një proces gjyqësor i zhvilluar vite më parë, në gjykatën e Qarkut të Prizrenit ka dënuar disa nga autorët e përfshirë në vrasjen e “Drinit”, por procesi në tërësi nuk ka zbardhur të vërtetën, shkaqet e vrasjes së tij, e cila qe dënuar atë kohë si nga partitë politike shqiptare, po ashtu edhe nga prania ndërkombëtare, e cila e ka vlerësuar për bashkëpunimin me të.
Hetimet janë zhvilluar hovshëm, ishte caktuar menjëherë një ekip të gjerë hetues të krimeve, prej 11 vetash.
Por, procesi gjyqësor nuk rrodhi ashtu siç mund të pritej ai nuk plotësoi standardet e duhura, të zbardhjes së të vërtetës, zbulimit të shkaqeve dhe nxjerrjes së urdhërdhënësve dhe nxitësve të likuidimit të “Drinit”.
Prokuroria e Qarkut në Prizren në vitin 2002 kishte ngritur aktpadi kundër Sali Veselit për vrasjen e Ekrem Rexhës, por edhe kundër Habib Hazirit për shkak të dyshimit se më 8 maj të vitit 2000, sipas porosisë së Sali Veselit, sipas aktpadisë e ka kryer vrasjen e Ekrem Rexhës.
Aktpadia ishte ngritur edhe kundër dy pjesëtarëve të TMK-së, Xhemaj 2002l Beqirit dhe Halil Çadrakut, të cilët sipas aktpadisë, kanë ndihmuar në vënien e kurthit dhe në likuidimin e "Komandant Drinit".
Në aktpadi thuhej se Sali Veseli kishte paguar 15.000 marka në llogari të Habib Hazirit si shpërblim për vrasjen e Ekrem Rexhës.
Por, në shkurt të vitit 2004 Gjykata Supreme e Kosovës, e udhëhequr nga gjykatës ndërkombëtarë, e kishte liruar si të pafajshëm gjeneral Sali Veselin, duke hedhur kështu poshtë vendimin e Gjykatës së Qarkut në Prizren të datës 24 mars 2003, e cila e kishte dënuar me dhjetë vjet heqje lirie.
Për pafajësinë e Veseli ishte deklaruar menjëherë pas akuzave Agim Çeku atëherë komandant i TMK-së. Edhe familjarët dyshonin se ishin kapur fajtorët e vërtetë.
Kështu që nga atëherë procesi “Drini” ka mbetur u paqartë dhe i vagullt, ndoshta Gjykata Speciale do të mund ta rihap! I. M.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30