Dënohen djemtë e Adem Grabovcit

nga **Agim Gashi** Fri May 08, 2015 9:52 pm

Dënohen djemtë e Adem Grabovcit

Dy vëllezërit, Ngadhnjim dhe Guxim Grabovci, u dënuan fillimisht me nga gjashtë muaj burg nga Gjykata Themelore në Prishtinë, pasi u gjetën fajtorë për rrahjen e një polici në shkurt të vitit 2013. Dënimin për djemtë e deputetit të PDK-së, Adem Grabovci, e konfirmoi për KALLXO.com avokati mbrojtës i Guxim Grabovcit, Hasan Jashari, i cili megjithatë njoftoi se dënimi ishte konvertuar në para për të shmangur burgimin.
“I mbrojturi im dhe vëllai i tij janë dënuar me nga gjashtë muaj burg për secilin, mirëpo me kërkesën e mbrojtjes, duke u bazuar në dispozitat ligjore, ky dënim u është kthyer në dënim me gjobë në lartësi prej tremijë euro për secilin”, tha Jashari.
Kjo do të thotë se për krimin e kryer, dënimi efektiv për secilin prej të dënuarve është tremijë euro.
KALLXO.com provoi që të kontaktojë edhe me avokatin e të akuzuarit tjetër, Nuhi Paqarizi, por ai tha se ishte i zënë me punë.
Për rastin nuk deshën të deklaroheshin as kryetari i Gjykatës Themelore në Prishtinë, Hamdi Ibrahimi, i cili tha se deri të martën nuk ka ndonjë informacion, e po ashtu lidhur me rastin nuk deshën të deklaroheshin as gjyqtarja e rastit Anita Kraniqi-Prenaj dhe as prokurorja e rastit Sebahate Hoxha.
Seanca fillestare në këtë rast ishte mbajtur me datë 5 dhjetor të vitit të kaluar, por u shty se mungonte Guxim Grabovci.
Gjithashtu, një seancë tjetër në këtë rast ishte paraparë të mbahej me datë 11 mars, por për shkak të grevës së gjyqtarëve, ishte shtyrë dhe ajo.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30