Ali Ahmeti, konfirmoi se ishte bashkëfajtor i tragjedisë së Kumanovës!

nga **Agim Gashi** Fri May 15, 2015 4:19 pm

Ali Ahmeti, konfirmoi se ishte bashkëfajtor i tragjedisë së Kumanovës!

Ali Ahmeti nuk i heq dot teoritë konspiracionale. Në fakt në autointervistën e tij në Alsat, pasi gazetari ishte vetëm sa për t’ia mbajt mikrofonin, vetëm sa shtoi teoritë e konspiracionit. Ali Ahmeti e konfirmoi edhe me gojë të vetë se ai ishte pjesë e të gjithë ndodhisë, por si duket roli i tij ishte vetëm në pjesën e fundit, në pjesën e dorëzimit.
A u vranë vetëm njerëzit kundërshtarë të Ali Ahmetit? Këtë dilemë vetëm sa e shtoi Ali Ahmeti në rrëfimin e tij për Kumanovën.
Palët si duket ishin dakord, që të vriteshin ca policë maqedonas dhe ca shqiptarë, në mënyrë që çështja të bëhej debat ndëretnik, me premisën për të rritur erupsionin ndër shqiptarë, pakënaqësinë ndaj shtetit sllavomaqedonas, për shkak se janë viktimë e përhershme e dhunës shtetërore.
Ahmeti kur fliste për çështje më pak të rëndësishme fliste me lirshmëri, kuptohet me gjakftohtësinë e një spiuni, madje ai u tregua se është burrë shqiptarë, dhe nuk ka pranuar që t’i shkilet besa, pasi partneri i tij Gruevski mund ta bënte, po të pranonte të negocionte që t’ia hapte një korridor luftëtarëve për tu tërhequr nga aty ku ishin izoluar.
Çështja është se kush i futi në atë zonë, qorrsokak luftëtarët? Për cilin motiv u futën, dhe pse Ali Ahmeti nuk pranoi të ishte pjesë e aksionit deri në dorëzimin e tyre, apo ishte në gjithë aksionin i përfshirë me njerëz të tij, deri në momentin, kur erdh koha për dorëzim.
Por, ai tregoi se kishte kontakte me njërin prej krerëve, me të cilët eshë është përfolur se ka pasur, Sami Ukshinin, ish komandant zone në luftën e 2001-ishit. Kjo edhe mund të shpjegojë, se grupi në fakt nuk ka qenë homogjen, dhe nuk ka pasur përputhshmëri në qëllime.
Kanë mbrojtur interesa të ndryshme. Disa mund të kenë shkuar thjesht për të vrarë polic, për të kënaqur kështu konspiracionin se Mijalkov dhe Gruevski e organizuan të gjithën. Ndërsa, ‘sabotatorët’ e aksionit të sllavo-maqedonasve, ishin në anën e dikujt tjetër, një pale më të mençur, dhe më të fuqishme, aksioni duhej të shfaqte fytyrën e egër shtetërore, agresivitetin e pakontrolluar, dhe kështu të përmbushej kushti, për dështimin e planit primar sllavo-maqedonas, dhe të arrihej përmbysja e pushtetit, të qeverisë, Gruevskit, Mijalkovit dhe të tjerëve. Ndryshe nuk ka kuptim, që Mijalkov dhe Gruevski t’ia kenë bërë varrin vetit.
Por, këtu ka edhe një interes serb. Këta ishin që kishin paralajmëruar dhe madje i vazhdojnë teoritë e konspiracionit, me akuzën se SHBA po provon të krijojë Shqipërinë e madhe. Atëherë nga kush përfaqësoheshin serbët, nga ndonjë ushtar i padisiplinuar në grup aty, apo nga ndonjë shef i ushtarëve të ndonjë grupi, që vet nuk gjendej në luftime, dhe as që vesh uniformë, por vazhdon të jetë ndikues dhe kontrollues?!
Grupi ishte thënë se ishte prej rreth 50 vetave. Sot të dhënat dhe informacionet mungojnë se çfarë u bë me pjesën tjetër? A mos ishin më shumë se 2-3 grupime që mbronin interesa të ndryshme, dhe nga këto grupime, u bën bashkë vetëm disa nga të zgjedhurit, dhe i hyn aksionit, duke paraqitur interesa të ndryshme.
Dhe ishte linja kryesore, ata që ndoshta kurrë më nuk do të mund të flasin, se kishin shkuar me idenë, për ta ndryshuar gjendjen e shqiptarëve përgjithmonë ose të paktën që shtypja të merrte fund, apo ti faktorizonte shqiptarët, sido që të shkonte puna, gjë që aktualisht po ngjan, pasi me ‘bombat’ e Zaevit, përkundër këshillimeve, shqiptarët nuk përbënin palë!?
Por, edhe AKI-ja rezulton se ka informuar institucionet për aksionet e mundshme, madje, sipas mbikëqyrësve të AKI-së, deputetëve të Komisionit përkatës parlamentar, dhe po ashtu Ali Ahmeti, e informoi qeverinë e Kosovës për këto përpjekje. Pra, implikimi është më i madh, se sa ti përshkruhet një qëllimi dhe një teorie.
Por, Ali Ahmeti, nuk e sqaroi asnjë prej tyre deri në fund në autointervist, por që është bashkëfajtor i tragjedisë së Kumanovës e konfirmoi, pasi ishte në dijeni të plotë dhe nuk e kishte penguar! I. M.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30