Lindita Nikolla i përgjigjet Erdoganit: Nuk i mbyllim shkollat e Gulenit

nga **Agim Gashi** Fri May 15, 2015 7:26 pm

Lindita Nikolla i përgjigjet Erdoganit: Nuk i mbyllim shkollat e Gulenit

Pas deklaratave të presidentit turk Reccep Tayp Erdogan në Tiranë, i cili kërkoi mbylljen e veprimtarisë që janë nën ndikimin e lëvizjes ideologjike të Fetullah Gylen, mes të cilave edhe të një rrjeti shkollash, ministria e Arsimit, Lindita Nikolla tha se këto struktura arsimore veprojnë në ligjshmëri të plotë

"Ministria e Arsimit ka në kompetencë të plotë verifikimin e kritereve të ligjshmërisë. Pa dyshim, laicitetin, shkolla të sigurta, dhe ne jemi të vendosur dhe e kemi treguar me përgjegjësi që këtë e bëjmë në mënyrë korrekte dhe më të mirë të mundshme", tha Nikolla, raporton Tch.
Gjatë kontrollit të ushtruar në të gjitha shkollat e arsimit parauniversitar gjatë këtij viti është bërë mbyllja e 13 institucioneve të cilat nuk plotësonin kriteret ligjore. Këto deklarata ministria Nikolla i bëri gjatë përmbylljes së fazës së parë të trajnimit të 75 mësuesve të klasave të para dhe të gjashta.
Për herë të parë mbi 1500 mësues do të trajnohen në mënyrë që nxënësit të aftësohen jo vetëm për njohuritë që marrin nga tekstet, por edhe për mënyrën sesi ata mund t'i përdorin ato.
"Mësuesit shqiptar janë gati për t'u përfshirë në këtë shtator në klasën e parë e të gjashtë, në sistemin e ri të kurrikulës të drejtuar nga kompetencat. Kurrikula më e thjeshtë, më pak e ngarkuar, dhe e duhura për t'i bërë nxënësit tanë të suksesshëm dhe të orientuar nga problemet që ofron jeta", vijoi Nikolla.
Janë përzgjedhur mësuesit e klasave të para dhe të gjashta për trajnim pasi këtyre klasave do t'u ndryshojnë tekset në vitin e ri shkollor
.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30