Vazhdojnë polemikat, AAK-PDK

Vazhdojnë polemikat, AAK-PDK

Qeveria i cilësoi akuzat e liderit të AAK-së deklarata të dëshpëruara dhe për keqardhje.





Vazhdojnë akuzat, Thaçi-Haradinaj
Në një prononcim për medie zëvendësministri i transportit Adem Grabovci e ka akuzuar Haradinajn dhe njerëzit e tij se po iu kërkojnë, siç ka thënë, haraç bizneseve në Pejë.Sipas tij, Haradinaj duhet të japë llogari edhe për shtëpitë dhe kullat e ndërtuara.

Kreu i AAK-së Ramush Haradinaj në një takim me gazetarë i ka quajtur spekulime deklaratat e djeshme të zv.ministrit Grabovci dhe ka kërkuar që të gjitha dëshmitë eventuale ndaj tij dhe Aleancës të dorëzohen në polici dhe gjykatë. Në anën tjetër, zëdhënësi i Qeverisë deklaratat e ditëve të fundit ndaj zëvendësministrit Adem Grabovci i cilësoi për keqardhje. Lideri i Aleancës për Ardhmërinë e Kosovës, Ramush Haradinaj tha sot se deklaratat e djeshme dhe gjuha e përdorur e zëvendësministrit të transportit, Adem Grabovci janë spekulime.
“Është pikëpyetje nëse ekziston kërcënimi i tillë, ngase Musa Berisha ka punuar një kohë të gjatë për të drejta të njeriut dhe është e vështirë të besohet se ai përdorë një gjuhë të tillë”, tha Haradinaj, sipas të cilit deklaratat e tilla kanë për qëllim tërheqjen e vëmendjes së qytetarëve nga temat jetike siç është strategjia afatmesme e shpenzimeve buxhetore, keqpërdorimet në investime dhe shpenzimet e buxhetit, investimet e jashtëligjshme dhe shkallën e lartë të korrupsionit, që ka marrë përmasat e krimit të organizuar.“Këtu mund të shtoj dhunën ndaj mediave, fjalës së lirë, shpalljen armik të kundërshtarëve politik që mendojnë ndryshe, do të thotë të gjitha këto është qëllim me e heqë vëmendjen. Nëse i shtojmë kësaj gjendjen në veri, në rast se flasim për gjendjen e rëndë ekonomike dhe për pamundësinë me siguru rritje ekonomike, në rast se flasim për 200 milion të buxhetit të Kosovës të nxjerra jashtë vendit, të kthyera në letra me vlerë. Krejt qëllim i tërheqjes së debatit në këtë fjalor edhe i lajmërimit të këtyre zhvillimeve të tjera është me e tërheqë vëmendjen nga këto tema”, ka theksuar Haradinaj.Në anën tjetër, në një prononcim për medie zëvendësministri i transportit Adem Grabovci e ka akuzuar Haradinajn dhe njerëzit e tij se po iu kërkojnë, siç ka thënë, haraç bizneseve në Pejë.Sipas tij, Haradinaj duhet të japë llogari edhe për shtëpitë dhe kullat e ndërtuara.Në konferencën për shtyp Haradinaj u kundërpërgjigj duke dhënë sqarime për pronën e tij dhe ka ftuar të gjithë ata që kanë dëshmi t’i dorëzojnë ato në organet kompetente.
“Në Parlamentin e Kosovës jam deklaruar me këto zhvillime financiare. Nëse dikush ka ndonjë të dhënë ndonjë informatë kish bërë mirë me ia kalu policisë edhe prokurorëve publik, ose prokurorëve profesional qofshin vendor, qofshin ndërkombëtarë, që ka ndodhë diçka e ngjashme ndonjë herë nga kushdo qoftë”, ka theksuar Haradinaj. Haradinaj, përsëriti edhe një herë deklaratat e ditëve më parë për çështjen e Shërbimit Informativ të Kosovës. Ai po ashtu tha se në vendin tonë kemi një përzierje e cila po e rrezikon demokracinë për të cilën jemi deklaruar dhe po punojmë të gjithë së bashku.
Qeveria ndërkaq i cilësoi akuzat e liderit të AAK-së deklarata të dëshpëruara dhe për keqardhje. Zëdhënësi Memli Krasniqi ka deklaruar se “është për keqardhje që kanë rënë në këtë nivel, janë akuza aq bajate, aq të dëshpëruara sa që nuk ia vlen të komentojmë. Z. Grabovci e ka shprehë qëndrimin e vet. Ne mendojmë se në demokraci nuk ka vend për kërcënime por ka vend për debat dhe atë që e ka shprehë z, Grabovci, është qasja më e drejtë dhe qasja që e mbështesim ne”.
Dje në Kuvendin e Kosovës zëvendësministri Adem Grabovci tha se është kërcënuar me likuidim fizik nga kryetari i komunës së Deçanit Musa Berisha, i cili i ka mohuar këto akuza.

Grabovci: Ramushi të rrëfej për pallatet, kullat, pasuritë...

Blendi Gashi
Vazhdojnë përplasjet AAK-PDK




Të rrëfehet
“Ramushi për hir të transparencës duhet të tregoj para popullit pasurinë e tij marramendëse, ku përmendi pallate, kullat pronat në Kosovë, Shqipëri e vende të tjera”, tha Grabovci.
E ardhmja
“...e ardhmja të cilën po e rrezikojnë njerëzit, të cilët po e plaçkitin vendin e vet, që po i kërcënojnë gazetarët dhe po i sulmojnë fizikisht njerëzit kundërshtarët e tyre apo njerëzit që mendojnë ndryshe”, tha Haradinaj.
Ish kryeministri i Kosovës Ramush Haradinaj ka vazhduar ta akuzojë PDK-në për qeverisje jotransparente dhe abuzive, ndërsa ai është akuzuar se nuk duhet që, “atributet inkriminuese t’ia mvesh askujt”.

Prishtinë, 19 qershor
Konfrontimi ndërmjet dy partive parlamentare më të afërtat ideologjikisht dhe nga e kaluara thuaja identike, PDK-ja e AAK-ja, po vazhdon nëpërmjet një retorike gjithnjë e më të rënduar. Vetë kryeministri i Kosovës Hashim Thaçi bëri thirrje të premten për ulje të gjakrave, po të njëjtën ftesë e bëri edhe sekretari i përgjithshëm i LDK-së, Ramë Manaj, njëherazi zëvendëskryeministër i Kosovës.
Po të premten Aleanca për Ardhmërinë e Kosovës (AAK), vazhdoi me akuzat ndaj PDK-së, e cila një ditë më parë i kishte bërë thirrje akuzuese Haradinajt se zgjedhjet nuk fitohen me plumba, duke aluduar në një kërcënim publik, sipas zëvendësministri të Transporteve, Adem Grabovcit, i cili pretendonte se po rrezikohej me likuidim nga kryetari i Deçanit, një ish mik i tij, Musa Berisha (AAK).
Haradinaj, tha në një takim me gazetarë të premten se kundërshton fuqimisht “gjuhën e ultë të rrugës të përdorur nga PDK-ja në komunikatat e fundit”. “Kjo gjuhë ka për qëllim ikjen nga temat reale dhe tensionimin e situatës në Kosovë, pasi AAK-ja e ballafaqon këtë qeveri drejtpërdrejt me afera korruptive, si dhe me çështje që ndërlidhen me keqpërdorimin e mjeteve publike”, tha Haradinaj. Më tej ai tha se AAK-ja nuk do të pushojë që ta bëjë punën e vet për ndriçimin e të gjitha çështjeve që janë të lidhura me të ardhmen e vendit, ku sipas tij, “të ardhme të cilën po e rrezikojnë njerëzit, të cilët po e plaçkitin vendin e vet, që po i kërcënojnë gazetarët dhe po i sulmojnë fizikisht njerëzit kundërshtarët e tyre apo njerëzit që mendojnë ndryshe”. Lidhur me akuzat e PDK-së, kinse Haradinaj ka nxitur kryetarin e komunës së Deçanit, Musa Berisha ta kërcënoj me vdekje zëvendës ministrin e transportit, Adem Grabovcin, Haradinaj, tha se nuk mund të deklarohet aktualisht. “Është pikëpyetje se a është e vërtetë një gjë e tillë”, por sipas Haradinajt, qëllimi i deklaratës nga Grabovci të enjten në Kuvend, dhe i gjuhës që është përdorur nga PDK-ja, në një komunikatë, është për ta hequr vëmendjen e njerëzve të vendit nga temat që janë jetike për ta.
Mirëpo, pas kësaj konference të mbajtur nga AAK-ja, ka reaguar zëvendës ministri i Transportit dhe Postë Telekomunikacionit të Kosovës, Adem Grabovci i cili tha se ‘Ramushi atributet e tij inkriminuese nuk mundet t’ia m’vesh askujt’. Grabovci e ftoi sërish Ramush Haradinaj, “që të bëhet burrë dhe të dal në debat publik”, siç tha ai me qëllim të ballafaqimit të argumenteve për të gjitha çështjet e ngritura, për ‘shpifjet’ dhe për të gjitha çështjet e tjera me interes publik. “Ramushi as sot nuk e ka mohuar kërcënimin ndaj meje sepse ai e din mirë se kërcënimi ka ndodhur”, tha ai, duke mos iu përgjigjur fare pyetjeve të gazetarëve. “Ramushi për hir të transparencës duhet të tregoj para popullit pasurinë e tij marramendëse, ku përmendi pallate, kullat pronat në Kosovë, Shqipëri e vende të tjera”, tha Grabovci.
Ndërsa, Haradinaj ka ftuar PDK-në dhe kryeministrin Thaçi që të rrijë në tema, dhe kur të flitet për korrupsionin, të trajtohet korrupsioni, kur të flitet për krimin të trajtohet krimi.
Kryeministri Thaçi ftoi në mbledhjen e qeverisë, të gjitha partitë politike që të punojnë në frymën e bashkëpunimit, në frymën e konkurrencës së vlerave, në mënyrë që të vazhdohet me konsolidimin demokratik të shtetit tonë.
Ndërkaq zëdhënësi i qeverisë së Kosovës, Memli Krasniqi tha se është për keqardhje që AAK-ja ka rënë në këtë nivel, ndërsa akuzat e Ramush Haradinajt i quajti bajate dhe ‘dëshpëruese’. “Nuk ia vlen të komentohen sepse kanë rënë në nivel aq të ulët që nuk i ka hije politikës së Kosovës”.
Ndërkaq sekretari i përgjithshëm i LDK-së Ramë Manaj i ka ftuar subjektet politike që të përdorin diskurs të matur dhe të kultivuar në raport me njëri-tjetrin, sepse shprehja e brendshme e kulturës politike nënkupton përkushtim për të vazhduar rendin e vlerave dhe harmoninë qytetare.
Haradinaj zemërgjerë me turqit
Kryetari i Aleancës për Ardhmërinë e Kosovës Ramush Haradinaj i ka propozuar Kuvendit të Kosovës përdorimin zyrtar të gjuhës turke në komunat ku jeton komuniteti turk, si në komunat: Prishtinë, Mitrovicë, Gjilan, Prizren dhe Vushtrri, me ç’rast tha se kjo iniciativë e ka përkrahjen nga AAK-ja. Kurse, Ergin Korogru nga komuniteti turk tha se kërkesës së tyre u nevojitet një zgjedhje e shpejtë, sepse turqishtja po kanoset nga zhdukja. Lidhur me atë se a interesohet Haradinaj dhe a ka kërkuar që në Turqi të hapen shkolla shqipe, zëdhënësi i Aleancës për Ardhmërinë e Kosovës (AAK), Besnik Tahiri tha se Haradinaj edhe si kryeministër po edhe tash është në kontakt të vazhdueshëm me ambasadën turke, dhe mban raporte të mira me të, dhe gjithmonë interesohet për statusin dhe arsimimin edhe të shqiptarëve që jetojnë dhe punojnë në Turqi.

LDK bënë thirrje për më shumë maturi

Fatbardhë Zeka
Fushata e Lidhjes Demokratike të Kosovës do të jetë moderne, do të jetë bashkëkohore, do të jetë shumëdimensionale, e shtrirë dhe përfshirëse




Zëvendëskryeministri Ramë Manaj, njëherësh edhe anëtarë i kryesisë së LDK-së, u bëri thirrje të gjitha subjekteve politike të vendit për të ruajtur paqen qytetare, gjatë një takimi me gazetarë, të premten në Prishtinë, duke than që të përdorin diskurs të matur dhe të kultivuar në raport me njëri- tjetrin, sepse sipas tij shprehja e kulturës së brendshme politike, nënkupton ndërtimin e një vendi me vlera dhe harmonin qytetare.

Prishtinë, 19 qershor
Zëvendëskryeministri Ramë Manaj, njëherësh edhe anëtarë i kryesisë së LDK-së, u bëri thirrje të gjitha subjekteve politike të vendit për të ruajtur paqen qytetare, gjatë një takimi me gazetarë, të premten në Prishtinë, duke than që të përdorin diskurs të matur dhe të kultivuar në raport me njëri- tjetrin, sepse sipas tij shprehja e kulturës së brendshme politike, nënkupton ndërtimin e një vendi me vlera dhe harmonin qytetare.
Thirrjet e tij, Manaj nuk i drejtoj në emra konkret, ai aludonte në PDK-në dhe AAK-në, të cilat kohën e fundit kanë lëshuar kritika e akuza të ashpra mes tyre, gjithashtu ai theksoi se ky para së gjithash është një mesazh që reflekton qëndrimin e LDK-së përballë konteksteve e zhvillimeve të përgjithshme.
“Kështu që ne i ftojmë të gjitha subjektet politike që të kuptojnë rendësin e tyre në ndërtimin e jetës demokratike të Kosovës, sepse ne e duam siç e thash demokracinë ta ndërtojnë së bashku, dhe demokracia nënkupton edhe përgjegjësi, edhe llogaridhënie, edhe transparencë edhe komunikim”, tha Manaj, duke shtuar se tani më shumë se çdoherë, Kosovës i duhet paqja dhe stabiliteti në vija të përgjithshme, si në aspektin politik ashtu edhe në atë ekonomik, sepse kjo sjell progres e prosperitet për vendin tonë.
Ndërkohë që drejtuesit e LDK-së përshëndetën edhe vendimin e presidentit për caktimin e datës për mbajtjen e zgjedhjeve lokale, duke vlerësuar se tashmë është hapur edhe mundësia për fillimin e përgatitjeve që të ketë një proces demokratik zgjedhor në Kosovë.
“E vlerësojmë se ky duhet dhe do të jetë një proces i mirëfilltë demokratik. Do të jetë proces i përfshirjes, proces i realitetit korrekt të zgjedhjeve dhe vlerësojmë që është afat i mjaftueshëm që me datën 15 nëntor, që deri atëherë të realizohen të gjithë përgatitjet në kuadër të procesit dhe me datën 15 nëntor të ketë një dalje masive të elektoratit tonë, të elektoratit kosovar në vendvotime”, theksoi Manaj.
Ai shprehu bindjen se Komisioni Qendror i Zgjedhjeve (KQZ), edhe pse për herë të parë mbi vete barrën për organizimin e zgjedhjeve, i posedon kapacitetet e mjaftueshme që ky proces i rëndësishëm të shkojë si duhet.
Manaj, gjithashtu theksoi se kjo parti tashmë i ka filluar përgatitjet për zgjedhjet e nëntorit dhe në kuadër të kësaj i ka marrë vendim për formimin e grupeve koordinuese brenda partisë që do të angazhohen në nivel të gjashtë regjioneve të vendit.
“Fushata e Lidhjes Demokratike të Kosovës do të jetë moderne, do të jetë bashkëkohore, do të jetë shumëdimensionale, e shtrirë dhe përfshirëse”,tha ai.

Haradinaj: Qeveria i ik debatit për problemet jetike




Ramush Haradinaj (Foto: Petrit Rrahmani)


Nga Express



Lideri i AAK-së, Ramush Haradinaj, akuzoi sot zëvendësministrin e Transportit, Adem Grabovci, se nëpërmjet deklaratave po mundohet ta tërheqë vëmendjen e opinionit nga problemet jetike për vendin.

Në një konferencë me gazetarë, Haradinaj tha se është vështirë e besueshme se kryetari i Deçanit, Musa Berisha e ka kërcënuar Adem Grabovcin, siç ka deklaruar ky i fundit në Parlament.

“Së pari duhet të vërtetohet se a ka ekzistuar kërcënimi, a është i asaj shkalle, a mos e tëra kjo është spekulim, për këtë arsye aktualisht nuk mund të flasë, ajo që mund të themi është se ajo që është thënë dje nga ana e Grabovcit në Kuvend është për me tërheq vëmendjen e njerëzve të vendit nga temat që janë jetike për ta”, ka thënë Haradinaj, transmeton KosovaLive.

Kryetari i AAK-së tha se temat, siç janë buxheti i vendit, korniza afatmesme e shpenzimeve, çështja e Mitrovicës, mungesa e një zhvillimi të mirëfilltë ekonomik, është ajo që qeveria dëshiron t’u shmanget dhe të tërheqë vëmendjen e publikut diku tjetër.

Lideri i partisë më të zhurmshme opozitare përsëriti se Shërbimi Informativ i Kosovës (SHIK), që është strukturë jashtinstitucionale, po mbahet financiarisht përmes tenderëve dhe po mundohet ta kontrollojë politikisht Kosovën.

Haradinaj tha se SHIK-u është një organizatë e themeluar pas luftës nga udhëheqësit politikë të ish-UÇK-së, të organizuar në PDK dhe gjatë gjithë këtyre vjetëve i ka dhënë llogari kësaj partie, ndërkaq sipas tij, është shumë larg çdo vlerësimi që i ka shërbyer ndonjëherë Kosovës. “Shumë aktivitete të tyre që ne jemi në dijeni i kanë bërë dëm vendit”, u shpreh ai.

Lideri i AAK-së e ka “lutur” PDK-në, kryeministrin dhe ministrat mos të tentojnë të tërheqin vëmendja nga temat reale.

Duke iu përgjigjur akuzave të Grabovcit për prejardhjen e pasurisë së tij, për shtëpinë në Prishtinë dhe rregullimin e Kullave në Gllogjan, Haradinaj tha se shtëpinë e ka rregulluar në vitin 2000-2001, që nuk ka pasur mundësi të shpenzojë fonde publike, ndërkaq për Kullat në Deçan ai tha se i ka rregulluar nga shitja e një banese në Shqipëri dhe një toke në Miradi.

Agimi, Gjilan: 19.06.09 në ora:21:37


Krejt keto kritika qe i ban Haradinaj ka te drejte, ky njeri eshte i sinqerts. Nuk me pelqen menyra si i pergjigjet PDK kritikave te Haradinajt dhe AAK-se. Si parti me e madhe kur drejtohet: Ramushi dhe .... Ramushi dhe.... E dini gjithe se z.Ramush Haradinaj ka qene nder komandante me te njohur te UCK-se dhe po ashtu ka qene edhe Kryeminister. Sipas saj, edhe Kryeministri Thaqi pas mandatit te tij do te mbetet vec Hashim!

E rekomandoj (+3) Nuk e rekomandoj (-1)




Une (Kosovë): 19.06.09 në ora:17:51


Me TY Ramush. Vetem ti je zeri qe kundershton fuqishem Qeverine.

E rekomandoj (+27) Nuk e rekomandoj (-34)





geni (pr..........): 19.06.09 në ora:17:47


O popull i mjere, po e merrni veten ne qafe derisa nuk e votoni te drejtin, shpresat jane ne AAK.

E rekomandoj (+26) Nuk e rekomandoj (-39)





prejlep deqan: 19.06.09 në ora:16:41


Mire e paskeni pagezu AAK-ne si parti te zhurshme.

E rekomandoj (+41) Nuk e rekomandoj (-18)





Keranari (Prishtine): 19.06.09 në ora:16:15


Ramush, je mburrja e cdo shqiptari te civilizuar.

E rekomandoj (+35) Nuk e rekomandoj (-60)





Mëmëdheu (Dardania): 19.06.09 në ora:15:41


Ramush, vec n'e pac KFORin prej veti, se me keta veshtire e ke... A per mire e drejt, krejt e dine qe shume mire e ke, po ju ka hy tuta n'palce.

E rekomandoj (+39) Nuk e rekomandoj (-57)





suhareka (suhareke): 19.06.09 në ora:15:36


O Baci Ramush, hajt se keta ne zgjedheje e marrin denimin, mos ta ndin. Krejt jemi kthy me ty, respect!

E rekomandoj (+45) Nuk e rekomandoj (-68)





GJILANASI: 19.06.09 në ora:15:34


Krejt populli i Kosoves me u pas mundu, s'kish mujt me te qite ne kete pozit qe ti e ke qite vetveten, ne fund te pusit.

E rekomandoj (+77) Nuk e rekomandoj (-45)





drini (prishtine): 19.06.09 në ora:15:28


Kisha thane me i nda dy dhoma per gazetare ne zyret e AAK-se.

E rekomandoj (+57) Nuk e rekomandoj (-26)





KADRIA pjesaveriore.: 19.06.09 në ora:15:25


E po qe na ke lodhe bre SHIKU anej, SHIKU knej. E ke mesu kete fjale permendesh. Mos e harro, thuaje edhe neser.

E rekomandoj (+72) Nuk e rekomandoj (-39)





novosell pej: 19.06.09 në ora:15:22


Ne s'po jetojme ne kohen e gurit, qe ke deshmi dorzoj ku duhen, e mos te lutem keshtu se na mbyte, jemi lodhe shume, beso shume jemi lodhe. Ofro alternative per ndoje problem qe kemi, e jo propagande sa me dale para mediave. Te lutem, ofro zgjidhje te problemeve, nese ke mundesi.

E rekomandoj (+53) Nuk e rekomandoj (-27)





gadafi (Houn (Lybija)): 19.06.09 në ora:15:18


Zoteri Ramush Haradinaj, kot e ke me keta qeveritare te bisedosh per: buxhetin, korniza afatmesme e shpenzimeve, çështja e Mitrovicës dhe zhvillimin e mirëfilltë ekonomik. Ketyre (disave) per t'i kuptuar keto terma, u nevoijten fjaloret.

E rekomandoj (+34) Nuk e rekomandoj (-60)





Imigranti (USA): 19.06.09 në ora:15:10


Ramush me ty jemi. E mbrojte Kosoven kur ke nevoja me pushke e plumba, ja mbrojte fytyren krejt Kosoves e UCKse ne Hage. Tash dasht zoti edhe kryeminister i ardhshem. E ardhmja e Kosoves eshte me Ramushin.

E rekomandoj (+48) Nuk e rekomandoj (-62)





Qereq gjakov: 19.06.09 në ora:15:09


Valla bre i nderuar as zogjte e malit s'po te besojn ma. Rri burre se na mbyte me fjale te thata. Me i pas shite 1000 shpia, s'kishe mujt me e ba krejt kete pasuni.

E rekomandoj (+66) Nuk e rekomandoj (-33)





lulja Pej: 19.06.09 në ora:14:54


A ka ky njeri keshilltare, apo vec del keshtu kry ne veti? Kur Kosova i ka 1001 probleme, vec kqyrni me cka merret ky njeri. Rrespekt.

Dueli Haradinaj-Grabovci
Lideri i AAK’së, Ramush Haradinaj, akuzon Ministrinë e Transportit dhe Zëvendësministrin e saj Adem Grabovci për keqmenaxhim të buxhetit. Akuzave, Grabovci u është përgjigjur me një kërkesë, ka ftuar Haradinajn në duel publik për ballafaqim të fakteve.

Nga Arben Hyseni më 17.06.2009 në ora 13:59

Lideri i partisë Aleanca për Ardhmërisë e Kosovës – Ramush Haradinaj, nuk i kursen akuzat ndaj qeverisë dhe qeverisjes së kryeministrit Hashim Thaçi.

Akuzat ishin prej më të rëndave, si keqmenaxhimi, korrupsioni dhe keqpërdorimi i parasë publike. Saktësisht, Haradinaj akuzoi Ministrinë e Transportit dhe Postë – Telekomunikacionit për financim të strukturave ilegale të SHIK`ut përmes tenderëve të saj. Dhe zëvendësministrin e saj Adem Grabovcin e quajti arkëtar të SHIK`ut.

Në anën tjetër, zëvendësministri Adem Grabovci i ka quajtur të gjitha deklaratat e liderit të AAK`së shpifje. Grabovci tha se nuk ka asgjë të vërtetë në lidhje me financimin e strukturave ilegale. Për krejt këto punë, Grabovci e ftoi Haradinajn në një debat publik.

Haradinaj kritikoi qeverinë kryesisht për cilësi të dobët të rrugëve që ndërtohen në vend.

“Investimet në auto-rrugët e vendit janë të cilësisë së dobët dhe qytetarët e vendit janë dëshmitarë se po hapen gropat ende pa kaluar një vit nga ndërtimi i tyre”, tha Haradinaj.

Qëndrimi i partisë së tij, tha ai, është se qeveria aktuale po bën një menaxhim joligjor të buxhetit dhe po e keqpërdor atë.

“Rruga deri në Lipjan është rrugë e zgjeruar, por jo auto-rrugë dhe ky projekt ka qenë i qeverisë së kaluar. Po ashtu edhe pjesa e rrugës për Fushë-Kosovë, mirëpo kanë qenë procedurat e prokurimit që është dashur të pritet për zbatim”.

E vetmja rrugë e projektuar, sipas tij, e cila sërish nuk është auto-rrugë është ajo nga Fushë Kosova deri në Sllatinë, rreth 8 kilometra. Për ndërtimin e kësaj rruge akuzoi qeverinë Thaçi se për dy vite ka projektuar vetëm 8 kilometra rrugë të një cilësie shumë të dyshuar. Për këtë pjesë të rrugës, Haradinaj tha se janë dhënë 34 milionë euro dhe është bërë një manipulim i madh që ka zgjuar dyshime të mëdha. Këtë e cilësoi si një ndër skandalet me të mëdha në këtë qeveri.

“Në këtë rrugë janë bërë me dhjetëra manipulime me çmim, ka korrupsion dhe është vendosur paqja me kompanitë kontraktuese që ato mos të ankohen ”.
Çmimin e lartë të kësaj rruge, ish kryeministri e lidhi me financimin e SHIK`ut. Zëvendësministrin Adem Grabovci e ka cilësuar si të ngarkuar nga qeveria për t’i paguar këto grupe për t’i krijuar epërsi PDK`së dhe për t’u shkaktuar dëme partive tjera politike në vend.

“Prishtina si kryeqytet i vendit ende nuk lidhet me ndonjë auto-rrugë me asnjë qytet as me ndonjë nga pikat kufitare, ndërkaq për rrugët që aktualisht po asfaltohen frikësohem se duhet të rishtrohen edhe një herë për shkak të cilësisë së dobët”.

Zëvendësministri i Transportit dhe Postë Telekomunikacionit, Adem Grabovci, menjëherë pas këtyre akuzave ka mbajtur një konferencë urgjente, në të cilën i ka demantuar fjalët e Haradinajt.

“Fjalët e liderit të AAK`së – Ramush Haradinaj për financimin e SHIK`ut janë krejt shpifje”, tha Grabovci.

Ai ftoi Haradinajn në një debat publik për t`i sqaruar gjitha këto punë, për të cilat ai ka folur.

Grabovci ka potencuar se rajoni prej nga vjen ai dhe Haradinaj nuk ka përfituar investime gjatë 7 vjetëve, sa ka përfituar vetëm gjatë vitit të fundit.
“Ramushi po manipulon me banorët e atij rajoni, pasi rajoni prej nga vij unë dhe Ramushi nuk ka përfituar investime për 7 vjet sa ka përfituar për një vit të kësaj qeverie”, tha zëvendësministri i MTPT`së.

Kjo qeveri, shtoi ai, është duke i sanuar dëmet që ia ka shkaktuar vendit qeveria e udhëhequr nga partia e Haradinajt.

Sa i përket cilësisë së rrugëve, ai pohoi se asfalti tash ka një ndryshim shumë më kualitativ sesa ai që është shtruar në qeverinë e kaluar.
“As unë e as zoti Haradinaj nuk jemi ekspertë të asfaltit, mirëpo asfalti që po shtrohet tash ka një ndryshim shumë më kualitativ sesa ai që është shtruar në qeverinë e kaluar”.

Sipas Grabovcit, Haradinaj fatkeqësisht manipulon me të dhënat dhe keqinformon opinionin, ngase, siç ka thënë ai, nuk ekziston rruga Caralevë – Malishevë, por është Carralevë – Komoran, e cila ishte kontraktuar gjatë qeverisë së kaluar.

Në këtë konferencë, Ramush Haradinaj kritikoi qeverinë edhe për sistemin e keq të drejtësisë në vend. Foli edhe për respektimin dhe zbatimin e kushtetues që, sipas tij, nuk është në nivelin e pëlqyeshëm.

Grabovci: Jam kërcënuar me likuidim


Nga Express






Zëvendësministri i Transportit dhe Postë-Telekomunikacionit, Adem Grabovci, në seancën e së enjtes të Kuvendit të Kosovës deklaroi se është kërcënuar me likuidim fizik nga kryetari i Deçanit, Musa Berisha. Zyrtarët e AAK-së e mohojnë një gjë të tillë.

Duke folur në fillim të seancës plenare të Parlamentit, jashtë pikave të rendit ditës, zv.ministri Grabovci deklaroi se mbrëmë rreth orës 19:39 pas një debati televiziv ka pasur një thirrje telefonike nga kryetari i Komunës së Deçanit, Musa Berisha, me ç’rast është kërcënuar me likuidim fizik nëse i përmend emrin e tij dhe të Ramush Haradinajt, publikisht në media.

Ai njoftoi se rastin e ka deponuar në Policinë e Kosovës, ndërsa për veprimtarinë e tij 30-vjeçare tha se është i gatshëm t’i marrë të gjitha përgjegjësitë dhe t’i ballafaqojë faktet.

Ethem Çeku, deputet i AAK-së, të cilës parti i takon Berisha, tha se Grabovci dhe Berisha kanë qenë shokë të mirë dhe shfaqi mosbesim që aktivisti i tyre të ketë bërë telefonatë kërcënuese, transmeton KosovaLive.

Ai u shpreh se kjo akuzë është tepër e rëndë prandaj Grabovci duhet të jetë shumë i matur në informacionet që plason.

Sipas Çekut, zv ministri Grabovci mund ta dërgojë rastin në Polici, por jo të paraqitet, siç tha ai, në formë të propagandës.

Këto konfrontime vijnë një ditë pasi që në një konferencë për media, kryetari i AKK-së, Ramush Haradinaj kishte akuzuar Grabovcin se është “arkëtar” i SHIK-it.

Grabovci: Ramushi të rrëfej për pallatet, kullat, pasuritë...

Blendi Gashi
Vazhdojnë përplasjet AAK-PDK




Të rrëfehet
“Ramushi për hir të transparencës duhet të tregoj para popullit pasurinë e tij marramendëse, ku përmendi pallate, kullat pronat në Kosovë, Shqipëri e vende të tjera”, tha Grabovci.
E ardhmja
“...e ardhmja të cilën po e rrezikojnë njerëzit, të cilët po e plaçkitin vendin e vet, që po i kërcënojnë gazetarët dhe po i sulmojnë fizikisht njerëzit kundërshtarët e tyre apo njerëzit që mendojnë ndryshe”, tha Haradinaj.
Ish kryeministri i Kosovës Ramush Haradinaj ka vazhduar ta akuzojë PDK-në për qeverisje jotransparente dhe abuzive, ndërsa ai është akuzuar se nuk duhet që, “atributet inkriminuese t’ia mvesh askujt”.


Konfrontimi ndërmjet dy partive parlamentare më të afërtat ideologjikisht dhe nga e kaluara thuaja identike, PDK-ja e AAK-ja, po vazhdon nëpërmjet një retorike gjithnjë e më të rënduar. Vetë kryeministri i Kosovës Hashim Thaçi bëri thirrje të premten për ulje të gjakrave, po të njëjtën ftesë e bëri edhe sekretari i përgjithshëm i LDK-së, Ramë Manaj, njëherazi zëvendëskryeministër i Kosovës.
Po të premten Aleanca për Ardhmërinë e Kosovës (AAK), vazhdoi me akuzat ndaj PDK-së, e cila një ditë më parë i kishte bërë thirrje akuzuese Haradinajt se zgjedhjet nuk fitohen me plumba, duke aluduar në një kërcënim publik, sipas zëvendësministri të Transporteve, Adem Grabovcit, i cili pretendonte se po rrezikohej me likuidim nga kryetari i Deçanit, një ish mik i tij, Musa Berisha (AAK).
Haradinaj, tha në një takim me gazetarë të premten se kundërshton fuqimisht “gjuhën e ultë të rrugës të përdorur nga PDK-ja në komunikatat e fundit”. “Kjo gjuhë ka për qëllim ikjen nga temat reale dhe tensionimin e situatës në Kosovë, pasi AAK-ja e ballafaqon këtë qeveri drejtpërdrejt me afera korruptive, si dhe me çështje që ndërlidhen me keqpërdorimin e mjeteve publike”, tha Haradinaj. Më tej ai tha se AAK-ja nuk do të pushojë që ta bëjë punën e vet për ndriçimin e të gjitha çështjeve që janë të lidhura me të ardhmen e vendit, ku sipas tij, “të ardhme të cilën po e rrezikojnë njerëzit, të cilët po e plaçkitin vendin e vet, që po i kërcënojnë gazetarët dhe po i sulmojnë fizikisht njerëzit kundërshtarët e tyre apo njerëzit që mendojnë ndryshe”. Lidhur me akuzat e PDK-së, kinse Haradinaj ka nxitur kryetarin e komunës së Deçanit, Musa Berisha ta kërcënoj me vdekje zëvendës ministrin e transportit, Adem Grabovcin, Haradinaj, tha se nuk mund të deklarohet aktualisht. “Është pikëpyetje se a është e vërtetë një gjë e tillë”, por sipas Haradinajt, qëllimi i deklaratës nga Grabovci të enjten në Kuvend, dhe i gjuhës që është përdorur nga PDK-ja, në një komunikatë, është për ta hequr vëmendjen e njerëzve të vendit nga temat që janë jetike për ta.
Mirëpo, pas kësaj konference të mbajtur nga AAK-ja, ka reaguar zëvendës ministri i Transportit dhe Postë Telekomunikacionit të Kosovës, Adem Grabovci i cili tha se ‘Ramushi atributet e tij inkriminuese nuk mundet t’ia m’vesh askujt’. Grabovci e ftoi sërish Ramush Haradinaj, “që të bëhet burrë dhe të dal në debat publik”, siç tha ai me qëllim të ballafaqimit të argumenteve për të gjitha çështjet e ngritura, për ‘shpifjet’ dhe për të gjitha çështjet e tjera me interes publik. “Ramushi as sot nuk e ka mohuar kërcënimin ndaj meje sepse ai e din mirë se kërcënimi ka ndodhur”, tha ai, duke mos iu përgjigjur fare pyetjeve të gazetarëve. “Ramushi për hir të transparencës duhet të tregoj para popullit pasurinë e tij marramendëse, ku përmendi pallate, kullat pronat në Kosovë, Shqipëri e vende të tjera”, tha Grabovci.
Ndërsa, Haradinaj ka ftuar PDK-në dhe kryeministrin Thaçi që të rrijë në tema, dhe kur të flitet për korrupsionin, të trajtohet korrupsioni, kur të flitet për krimin të trajtohet krimi.
Kryeministri Thaçi ftoi në mbledhjen e qeverisë, të gjitha partitë politike që të punojnë në frymën e bashkëpunimit, në frymën e konkurrencës së vlerave, në mënyrë që të vazhdohet me konsolidimin demokratik të shtetit tonë.
Ndërkaq zëdhënësi i qeverisë së Kosovës, Memli Krasniqi tha se është për keqardhje që AAK-ja ka rënë në këtë nivel, ndërsa akuzat e Ramush Haradinajt i quajti bajate dhe ‘dëshpëruese’. “Nuk ia vlen të komentohen sepse kanë rënë në nivel aq të ulët që nuk i ka hije politikës së Kosovës”.
Ndërkaq sekretari i përgjithshëm i LDK-së Ramë Manaj i ka ftuar subjektet politike që të përdorin diskurs të matur dhe të kultivuar në raport me njëri-tjetrin, sepse shprehja e brendshme e kulturës politike nënkupton përkushtim për të vazhduar rendin e vlerave dhe harmoninë qytetare.
Haradinaj zemërgjerë me turqit
Kryetari i Aleancës për Ardhmërinë e Kosovës Ramush Haradinaj i ka propozuar Kuvendit të Kosovës përdorimin zyrtar të gjuhës turke në komunat ku jeton komuniteti turk, si në komunat: Prishtinë, Mitrovicë, Gjilan, Prizren dhe Vushtrri, me ç’rast tha se kjo iniciativë e ka përkrahjen nga AAK-ja. Kurse, Ergin Korogru nga komuniteti turk tha se kërkesës së tyre u nevojitet një zgjedhje e shpejtë, sepse turqishtja po kanoset nga zhdukja. Lidhur me atë se a interesohet Haradinaj dhe a ka kërkuar që në Turqi të hapen shkolla shqipe, zëdhënësi i Aleancës për Ardhmërinë e Kosovës (AAK), Besnik Tahiri tha se Haradinaj edhe si kryeministër po edhe tash është në kontakt të vazhdueshëm me ambasadën turke, dhe mban raporte të mira me të, dhe gjithmonë interesohet për statusin dhe arsimimin edhe të shqiptarëve që jetojnë dhe punojnë në Turqi.

Partitë e “krahut të luftës” i japin zjarr politikës

Fatbardhë Zeka e Fidan Morina
Blerand Stavileci, zëdhënësi i PDK-së thotë se kjo parti është unike dhe është e interesuar për realizimin e programeve e nuk ka kohë të merret me thashetheme.





Partitë politike që e quajnë vetën të “krahut të luftës” kanë vazhduar dialogun e tyre të tensionuar politik. Ky dialog i tensionuar ka prejardhje të kamotshme dhe me protagonistë pothuaj të njëjtë, në mes të Hashim Thaçit si kryeministër dhe Ramush Haradinajt si lider i opozitës.
“Nuk besoj se mund ketë tensionim të mëtutjeshëm, por ju e dini se politika e ka të veten demokracia e ka të veten dhe është me rëndësi që mbi të gjitha ajo të funksionoj dhe të garojnë të konfrontohen programet, vizionet e idetë” theksoi Stavileci.


Prishtinë, 20 qershor
Tensionimi i situatës politike në vend po vazhdon, derisa opozita akuzon qeverinë, dhe nuk ndjehet fare fajtorë për këto tensionime, edhe pse po bëhen shuam kohë para se fushata parazgjedhore të fillojë, madje fjala është për zgjedhjet lokale dhe jo nacionale, prandaj Aleanca për ardhmërinë e Kosovës, asesi nuk i tërheq akuzat e saj për zëvendës ministrin Grabovci, ndërsa Partia Demokratike e Kosovës qëndron prapa anëtarit të saj, duke e mbështetur dhe e bindur me qëndrimet e saja.
Blerand Stavileci, zëdhënësi i PDK-së thotë se kjo parti është unike dhe është e interesuar për realizimin e programeve e nuk ka kohë të merret me thashetheme.
“Partia Demokratike e Kosovës është unike dhe kompakte në qëndrimet e saj dhe besoj se disa herë i kemi shprehur qëndrimet tona lidhur me këtë dhe përsëri mbesim me ato qëndrimet, por ajo çka do të shtoj është se PDK-ja është orientuar nga ardhmja, dhe si udhëheqëse e koalicionit qeverisës do të vazhdojë të realizoj objektivat e saj synimet e saj programore dhe kjo për neve është më me rëndësi, ndërsa të tjerët mund të merren me fjalë, me thashetheme, me shpifje dhe me gjëra të tjera” u shpreh zëdhënësi i PDK-së Stavileci.
Sipas tij, PDK-ja , gjithmonë ka qenë për promovimin e funksionit të demokracisë anë e këndë vendit, dhe është në vazhdimësi ashtu siç edhe është zotuar se gjëja kryesore është që në të gjitha këto të konfrontohen idetë, dhe jo asgjë më shumë.(Tekstin e plotë mund ta lexoni në numrin e ditës së dile të gazetës "Bota sot")

“Fjalë e urtë” politike




“Ndalni rrenat se po i ndalim faktet”. Nuk është fjalë e urtë popullore por “fjalë e urtë” politike. Me këtë Haradinaj dëshiron ta përmbyllë debatin e ashpër me Adem Grabovci.

Nga Përparim Isufi më 24.06.2009 në ora 19:40

Me një “fjalë të urtë” Ramush Haradinaj ka tentuar t’i vejë kapakun asaj që ka përshkuar skenën politike në Kosovë në dhjetë ditët e fundit- polemikave ndërmjet tij dhe Adem Grabovcit.

Kreu i AAK’së dhe zëvendësministri i Transportit dhe Telekomunikacionit nuk kanë kursyer fjalët nga arsenali i ashpër politik për t’ia atribuuar njëri- tjetrit në një seri akuzash.

“E kam dëgju një thënie të dikujt më herët, të një politikani, që kishte thënë: Ndalni rrenat se ne po i ndalim edhe faktet”, ka thënë Haradinaj të mërkurën.
Bartësi i flamurit të opozitës në Kosovë ka mohuar çdo mundësi të ballafaqimit në debat publik me Grabovcin, gjë të cilën ky i fundit e ka kërkuar disa herë gjatë javës së kaluar.

“Llogari unë ju jap njerëzve që më besojnë, zgjedhësve, dhe institucioneve të vendit. Nuk obligohem në llogari në rastin konkret ndaj individit konkret”, është shprehur Haradinaj.

Këto komente kreu i AAK’së i ka bërë pas një takimi që ka zhvilluar me kryesinë e gjerë të degës së kësaj partie në Suharekë.
Haradinaj e ka pranuar se kjo komunë ka një fokus të veçantë nga partia e tij në zgjedhjet lokale të 15 nëntorit.
Kjo për shkak se kryetar i degës së AAK’së për Suharekë është emëruar i sapoaderuari në parti Blerim Kuqi, i cili menjëherë ka marrë përsipër edhe garën për kryetar komune.

“Ne kemi një fokusim të madh në Therandë. Jemi të inkurajuar nga projekti i z. Kuqi “Punë, Punë, Punë dhe Vende Pune”. Pra të ketë rritje ekonomike. Për ne është një rast i mirë edhe si model në nivel të vendit”, është shprehur Haradinaj.

Krahas Suharekës, AAK tashmë ka bërë të ditur edhe emrat e 14 kandidatëve për kryetarë të komunave të Kosovës në zgjedhjet e nëntorit.

Akuza AAK-së për sulmin ndaj objektit të Qeverisë

Deputetë të Partisë Demokratike të Kosovës dhe ata të Aleancës për Ardhmërinë e Kosovës kanë polemizuar ashpër në Kuvend, pas akuzës së PDK-së, se AAK-ja qëndron pas protestës së dhunshme të veteranëve dhe invalidëve të ish-Ushtrisë Çlirimtare të Kosovës.




Deputeti i PDK-së, Gani Buçinca, akuzoi AAK-në se qëndron prapa protestës.Buçinca ka kërkuar nga deputetët që ta dënojnë protestën e djeshme, duke ftuar që këtë ta bëjnë edhe kolegët nga AAK-ja, megjithëse, siç ka thënë ai, kjo parti ka festuar sulmin ndaj qeverisë.


Një ditë pas sulmeve me granata ndaj objektit qeveritar, filluan akuza dhe kundër akuza rreth mundësisë së reflekseve politike në protestat e veteranëve të UÇK-së. Deputeti i PDK-së, Gani Buçinca, e akuzoi sot AAK-në opozitare se qëndron prapa protestës së dhunshme të veteranëve dhe invalidëve të ish-UÇK-së, të cilët një ditë më parë hodhën kokteje molotovi dhe bomba në oborrin e Qeverisë së Kosovës. Kjo ngjalli kundëreagimin e shefit të Grupit Parlamentar të AAK-së, Ardian Gjini, i cili e quajti Buçincë "të pafytyrë" dhe kërkoi nga PDK dhe Kuvendi që të distancohen nga deklarata e tij. Buçinca, në fillim të seancës së sotme të Parlamentit, kërkoi nga kolegët e tij që ta dënojnë protestën e djeshme e dhunshme e veteranëve dhe invalidëve të ish-Ushtrisë Çlirimtare të Kosovës. Ai provokoi deputetët e AAK-së, duke i ftuar që edhe ata t’i bashkëngjiten këtij distancimi, megjithëse sipas tij, AAK e ka festuar sulmin e ish-guerilëve të UÇK-së ndaj objektit qeveritar. Deputeti i PDK-së aludoi se ngjarja e djeshme ka prapavijë politike, ndërsa apostrofoi AAK-në se po i “ndërsen” një pjesë të ish-UÇK-së kundër qeverisë. Buçinca kërkoi nga ligjvënësit e AAK-së që të distancohen nga "politika e falangave”. Deputeti i PDK-së madje protestuesit e djeshëm i konsideroi si pjesë e politikës së dhunës dhe terrorit, ndërsa tha se me këto akte po shkelet rendë demokracia në Kosovë. Ardian Gjini shefi i GP të AAK-së, tha se Gani Buçinca i shtyrë edhe nga dikush tjetër, po e prishë qëllimisht demokracinë parlamentare duke e futur pa kontekst AAAK-në, pas protestës së djeshme të ish-luftëtarëve të UÇK-së. “Ky Kuvend nëse e ka minimumin e njerëzisë dhe demokracisë, duhet të distancohet menjëherë nga deputeti Gani Buçinca, i cili asnjë fije nderi nuk ka fytyrën e vet”, u shpreh Gjini, i cili kërkoi edhe nga kryeministri Hashim Thaçi, që të distancohet nga deputeti i tij.
Sidoqoftë, policia tashmë ka nisur hetimet. Zëdhënësi i policisë për rajonin e Prishtinës, Agron Borovci, thotë se aktualisht po hetohet një grup më i gjerë, për të zbuluar se mbi kë bie përgjegjësia e sulmit ndaj institucioneve shtetërore të Kosovës.
“Qysh dje, policia, e mbështetur edhe nga prokurori, ka iniciuar hetimin kriminal për shkaktimin e rrezikut të përgjithshëm. Tani për tani, janë duke u zhvilluar hetimet në një rreth më të gjerë, për të parë se mbi cilët persona mund të rëndojë përgjegjësia”, tha Borovci.
Ndërkohë, veteranët dhe invalidët e ish-UÇK-së kanë bërë të ditur se nuk do t’i ndërpresin tërësisht protestat, për të cilat kanë paralajmëruar se do të jenë më radikale.