Nesër kthehen në Kosovë trupat e të vrarëve në Kumanovë

nga **Agim Gashi** Wed May 20, 2015 11:29 pm

Nesër kthehen në Kosovë trupat e të vrarëve në Kumanovë

Gjatë ditës së enjte në Kosovë pritet të sillen trupat e nëntë shqiptarëve të vrarë gjatë konfliktit në Kumanovë.

Siç mëson zeri.info, Ambasada e Kosovës në Shkup, Ministria e Punëve të Jashtme të Kosovës si dhe Instituti për Mjekësi Ligjore në Prishtinë janë duke i bërë përpjekjet që sa më shpejt të organizohet identifikimi i të vdekurve edhe në praninë e familjarëve dhe më pas kthimi i tyre në Kosovë.
Lejen për tërheqjen e trupave e ka dhënë Prokuroria në Shkup e cila gjatë pasdites së sotme zyrtarisht i kanë njoftuar autoritetet kosovare se ka përfunduar autopsia e trupave të të vrarëve më 9 dhe 10 maj dhe se mund të bëhet tërheqja e trupave.
Pas marrjes së përgjigjes nga prokuroria, zyrtarë nga Ministria e Punëve të Jashtme kanë bërë me dije se task-forca e themeluar po i bën përgatitjet teknike që gjatë ditës së nesërme të shkojnë në Shkup e ti marrin nëntë trupat e pajetë.
Burime të gazetës kanë njoftuar se në Kosovë edhe zyrtarisht ka arritur lista me emrat e personave të vdekur në të cilin janë:

Xhafer (Hysen) Zymeraj nga Prizreni, i lindur në vitin 1972,
Beg (Miftar) Rizaj nga Prekolluku i Deçanit, i lindur në vitin 1977,
Mirsad (Osman) Ndrecaj nga Gjakova, lindur në vitin 1979,
Valon (Selim) Kabashi nga Opterusha e Rahovecit, i lindur në vitin 1985,
Turgaj (Mehmet) Gashi, i lindur në Prishtinë në vitin 1978,
Samid (Bajram) Kastrioti, i lindur në Zojz të Prizrenit në vitin 1975,
Hysen (Latif) Rushiti nga Vushtrria, i lindur në vitin 1965,
Fatlum (Kadri) Vishesella, i lindur në Rufc të Ri të Lipjanit në vitin 1983 dhe
Arben (Qerim) Rexhaj nga Ferizaj i lindur në vitin 1971

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30