AGIM GASHI - NANTË SOKOLAT E DARDANISË

nga **Agim Gashi** Fri May 22, 2015 10:40 pm

AGIM GASHI

NANTË SOKOLAT E DARDANISË
AGIM GASHI - NANTË SOKOLAT E DARDANISË 11006409_10152912546619077_5064513293518074228_n

Sot ka ra në zi Kosova
I bien djemt nga Kumanova,
Kthene dhimbjen në krenari
Për djem t’shqipes, djem të ri.

Për dëshmor se kem traditë
Me ba gjamë e lot’ me qitë,
Koken lartë moj nanë shqiptare
I vranë djemt duer barbare.

Sa e randë e ndytë tradhëtia,
Kur merr jetna, vret çlirimtar,
Dy dekadat e tradhtisë
Djem e vasha t’u na i vra.

Pas armikut ne vramë vetëveten
Në shumë prita e në tradhëti,
O shqiptar të mbledhim mendjen
Vetë po e vrajmë këtë pak liri!

Shumë kortezhe prap na erdhen
Na i përcolli sot Kumanova,
Jo si duhet e si i ka hije
Nuk i priti kjo nanë Kosova.

II
O Xhafer Hysen Zymeraj
Ti moj lulja e Prizerenit,
Gjaku yt derdh n’Kumanovë
Ia ka shtu Ilirides nderin.

Ti Deçan me ato kulla
Beg Miftar Rizajn dil e prite,
Me ja dhuru atdheut gjakun
Prekolluk sa vështirë e rrite.

Moj Gajkovë pash Erenukun
Miftar Ndrecajt sot dili para,
Po mbajnë zi male e kodra
Lot’ po qesin fusha e ara.

Rahovec t’qan Opterusha
Po e pret birin e saj,
Atë Valon Selim Kabashin
Plagët me lotë sot ja lan.

Edhe Prishtina me Gërminë
Turgaj Mehmet Gashin e ka pritë,
Loti e dhimbja kapluen qytetin
Ia zunë të bardhen dritë.

N’Zojz t’Prizrenit ka shkue lajmi
Nji të vramë n’ kortezh po e qojnë,
Trimin Samid Bajram Kastriotin,
Zanat ballin ja freskojnë.

Në Vushtrri te Vicianumi
Engjujt para sot po dalin,
Me prit Hysen Latif Rushitin
Sdo ta shofin ma kurr pë s’gjalli.

E Sitnica buzë Lipjanit
Shumë krenare po valëron,
Se Fatlum Kadri Vishesella
Ndorë barbari gjallë si shkon.

Edhe Gryka e Carraleves
Po e pret Arben Qerim Rexhen,
Ah more hasem o barbar
Në mes t’Shqipnisë na e ke qitë mexhen.

Nantë Sokolat e Dardanisë
Nantë herojt e Komanoves,
Do t’pushojnë përgjithmonë
Në tokë sublime të Kosovës.

22.05.15
Kosovë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30