Përplasja e Thaçit me Jahjagën, shtyhen se kush duhet të shkojë në New York

nga **Agim Gashi** Fri May 29, 2015 2:12 pm

Përplasja e Thaçit me Jahjagën, shtyhen se kush duhet të shkojë në New York

Foto: Kushtrim Tërnava

Atifete Jahjaga dhe Hashim Thaçi janë përplasur të enjten mbrëma rreth asaj se kush duhet t’i prijë delegacionit të Kosovës në Sesionin e 70’të të Asamblesë së OKB’së që mbahet në vjeshtën e këtij viti. Aty delegacionet shtetërore, ndër të tjera kanë rastin të shtrëngojnë duart edhe me Presidentin e SHBA’së, Barack Obama.

Zyrtarë të lartë kosovarë janë përplasur të enjten mbrëma rreth përfaqësimit të Kosovës në Kombet e Bashkuara në vjeshtë të këtij viti – se a duhet të shkojë atje Atifete Jahjaga apo Isa Mustafa?
Edhe pse sesioni i 70’të i Asamblesë së Përgjithshme është ende larg, Kosova, sipas protokollit, duhet t’i dërgojë atje emrat që tani, transmeton Express.
Të enjten, Thaçi ka thënë se ishte takuar pikërisht për këtë temë me Presidenten Jahjaga, por kjo e fundit ka lëshuar një njoftim me të cilën kishte thënë se ishte biseduar për Gjykatën Speciale.
Dhe, menjëherë kishte ardhur reagimi i Thaçit duke përgënjeshtruar Jahjagën sa i përket temës së diskutuar në takim, ku ishte prezent edhe Kryeministri Isa Mustafa.
“Takimi nuk ka pasur fare të bëjë me Gjykatën Speciale por ka qenë temë diskutimi vetëm përfaqësimi i Kosovës në Asamblenë e OKB-së, pas insistimit të presidentes që ajo ta udhëheq delegacionin kosovar, si dhe ndryshimet në Ligjin për Beneficionet e Ish Zyrtarëve të Lartë Shtetërorë pas përfundimit të mandatit”, thuhet në njoftimin e Ministrisë së Punëve të Jashtme.
Ndërkohë, burime të Express, kanë treguar se Jahjaga po dëshiron të shfrytëzojë edhe këtë mundësi për të përfaqësuar Kosovën në OKB derisa Qeveria po insiston që delegacionin ta udhëheqë Isa Mustafa, shkruan Gazeta Express.
Por, zyrtarë të Presidencës kanë insistuar se Presidentja me Kushtetutë përfaqëson politikën e jashtme dhe rrjedhimisht asaj i takon të jetë në krye të delegacionit të Kosovës në OKB.
Zyrtarisht, as në Presidencë dhe as në Zyrën e Thaçit nuk kanë dashur të flasin për këtë përplasje. Isa Mustafa, ndërkaq, nuk ka thënë ndonjë fjalë rreth kësaj çështjeje.Me pjesëmarrjen në punimet e Asamblesë zyrtarët e Kosovës të lobojnë për njohjen e Kosovës.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30