Ramë Smajlaj:SHKRIHEM SI QIRIU

nga **Agim Gashi** Thu Jul 02, 2015 11:38 pm

Ramë Smajlaj

SHKRIHEM SI QIRIU

Njëzet pranverave
i kthej në shekuj
rrugën të pakokë
e mora.

Nuk e dija
ku do më përplasin
valët e jetës.

Unë kërkoja këngë zogjwsh
lule aromash ku jeta jetohej
nën hije pemësh.

Ati im pa shalë e fre
më dërgoi
maleve të thepisura.

Ku djajtë bëjnë vezë
e mizat brejnë hekur
ku jetojmë si lumenjtë
që i drejtohen detit.

Edhe shpirti im
thyen llava
këtyre shkrepave
e shpërthen vullkane.

Shkoj në punë
e kthehem në gjumë
jeta me ikën
si uji në lumë.

Heshtja më vret
në këtë shkrep.

Jetoj si zog qyqe
në çerdhe të huaj
duke u dridhur
si peshku n' grep.

Mbylli gojën
nuk flas shumë
vargoj rreshta
edhe në gjumë.

Natës të errët
i kërkoj dritë
sepse në errësirë
unë jam rritë.

Ndezi qirinjtë
yjet ndriçojnë vet
unë këtu larg atdheut
në vetmi jam tretë.

Në vendlindje
s'kam ku kthehem
dikush djersën
me gotë ma piu.

Unë këtu
shkrihem si qiriu.

Sytë më janë skuqur
si çava prushi
s'mundem ç’pushoj
as nën hije rrushi.

Arinjtë e bardhë
e mushkonjat gumëzhijnë
"Has i thatë i kanë pas thënë
shumë pas dore e kanë pas lanë"
n´tel t´sharkisë rapsodi konte
hallet Hasit i vajtonte.

N´hartën time të copëtuar
veç Pashtraku e ka duruar
një pjesë trupit mbet Shqipin
pjesa tjetër n´Dardani.

Historia do dëshmojë
tokën time kush copëtojë
i ndarë trupi nuk jeton
ah, Pashtraku gjëmën lëshon.

Si traditë ma la i pari
mbijetesën të kërkojë
bukë misri të gatuaj
zemrën mikut t̒i gëzojë.

Gjersa bukën përgatisë
pikë e djersës më pikon
mëllë e kam pa i pa familjen
ah, kurbet plagët ç´mi shton.

Bukë e kripë e zemër t´bardhë
është mikpritja në çdo shtëpi
mirë se erdhe i them mikut
plotë gëzim e krenari.

Kush kalon Alpeve të mia
sheh Pashtrakun legjendar
është i tretur tash kufiri
një Shqipëri sikur më parë.

Kehl, Gjermani, 06.12.2014

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30