Kush janë deputetet e Kosovës që negociuan me koleget serbe për fjalën Republikë

nga **Agim Gashi** Fri Jul 03, 2015 4:55 pm

Kush janë deputetet e Kosovës që negociuan me koleget serbe për fjalën Republikë

Foto: Rudina Hoti

Por, cilat ishin ato deputete shqiptare të Kuvendit të Kosovës që negociuan që të mos përmendet "Republika e Kosovës"? Në emër të kujt u thirrën ato dhe pse duhej të bëhej kjo?

Deputetet shqiptare të Kuvendit të Kosovës kishin negociuar me koleget e tyre nga Serbia që në takimin e tyre në Parlament të mos përmendet "Republika e Kosovës", shkruan Express.
Mirëpo, marrëveshja nuk iu shkoi ashtu siç e kishin planifikuar.
Deputetet e Kuvendit të Kosovës dhe ato të Serbisë në takimin e mbajtur sot në Kuvendin e Republikës së Kosovës kishin paraparë që të diskutojnë për bashkëpunimin mes dy palëve dhe ta shtrijnë dorën e pajtimit për brezat e të ardhmes.
Përndryshe, ato ishin dakorduar edhe për një gjë interesante: që të mos përmendet fjala "Republika e Kosovës". Kjo ngjalli debate midis deputeteve pas fjalimit të kryeparlamentarit Veseli, i cili e përmendi disa herë shprehjen "Republika e Kosovës". Pas kësaj, deputetja e Kuvendit të Serbisë, Maria Obradoviq, u ankua, duke shtuar se është shkelur marrëveshja sipas së cilës nuk duhej të përmendej Republika e Kosovës.
"Ju e shkelet marrëveshjen sepse ne jemi merr vesh që të mos përmendet Republika e Kosovës dhe as ne që kemi ardhur në pjesën jugore të Serbisë por po bëhemi tolerant dhe ta kalojmë edhe këtë pjesë", ka shtuar ajo.
Por, cilat ishin ato deputete shqiptare të Kuvendit të Kosovës që negociuan që të mos përmendet "Republika e Kosovës"? Në emër të kujt u thirrën ato dhe pse duhej të bëhej kjo?
Sipas deputetes Obradoviq, deputetja Blerta Deliu-Kodra është ajo me të cilën janë marrë vesh për këtë marrëveshje.
"Po ka qenë një marrëveshje e tillë, edhe zonja Blerta e cila udhëheq me fokusin e grupit parlamentar ka premtuar se do të jetë ashtu, mirëpo e keni parasysh ju nuk mund t’i mbani njerëzit absolutisht nën kontroll, ekziston diçka që quhet nivel i kulturës politike dhe vetëdije e marrëveshjes së arritur. E këtë nuk mund t’ia ndaloni askujt, këtë ose e posedoni ose jo”, tha Obradoviq.
Përveç deputetes Deliu, si duket edhe deputetet tjera u pajtuan për këtë
.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30