Toleranca fetare element kyç kundër radikalzimit të dhunshëm

nga **Agim Gashi** Sat Jul 11, 2015 12:11 am

Toleranca fetare element kyç kundër radikalzimit të dhunshëm

10 Korrik 2015

Frenimi dhe parandalimi i ekstremizmave të dhunshëm po arrihet në Shqipëri nga bashkëpunimi i shoqërisë civile, bashkësive fetare dhe institucioneve shtetërore.

Përfaqësues fetarë, diplomatikë, studiues dhe qeveritarë morën sot pjesë në konferencën mbi radikalizmin fetar dhe ekstremizmin e dhunshëm, ku u diskutua për të forcuar bashkëpunimin përballë këtyre dukurive jo të lehta për t'u trajtuar.
Ambasadori i SHBA në Shqipëri, Donald Lu, i kërkoi qeverisë që të analizojë me kujdes anketat dhe studimet e shoqërisë civile mbi këto dukuri, sepse ata qëndrojnë më pranë njerëzve.
Komuniteti mysliman shqiptar ka dënuar çdo akt terrorist, i cili maskohet prapa simbolikave fetare. Kryetari i këtij komuniteti, Skënder Bruçaj, tha se bashkësia myslimane po ndjek një seri projektesh për të informuar besimtarët dhe për të ndryshuar mendësitë e gabuara që vijnë nga keqinformimet mbi radikalët dhe ekstremistët.
Toleranca fetare shihet nga të gjithë si një element kyç kundër radikalzimit të dhunshëm. Krahas tolerancës fetare, Shqipëria ka edhe vendosmërinë për të goditur dhe parandaluar ekstremizmin, pohoi ministri i brendshëm Saimir Tahiri.
Sipas tij, ekstremizmi i dhunshëm mund të parandalohet me bashkëpunimin e të gjithë institucioneve shtetërore dhe shoqërisë civile.
Disa muaj më parë forcat e rendit arrestuan një imam dhe një grup të rinjsh nën akuzat për rekrutim të personave për t'i dërguar në Siri dhe veprimtari të tjera kriminale dhe mesazhe dhune, përcjell VoA.
Një numër shqiptarësh mendohet se kanë mbërritur në zona të kontrolluara nga ISIS dhe janë bërë pjesë e luftimeve atje, ndërsa në Shqipëri janë forcuar masat për t'u frenuar kjo dukuri.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30