JUSUF BUXHOVI-MIRË SE VJEN, TIRANI!

nga **Agim Gashi** Mon Jul 13, 2015 2:08 pm

JUSUF BUXHOVI-MIRË SE VJEN, TIRANI!

Tirania, krahas nënshtrimit të lirisë, kërkon vrasjen e mendimit të lirë, nga ai kritik, krijues e deri te ai shkencor.
Kjo vrasje fillon nga faza e anatemimit të ideve dhe të autorëve të tyre me anën e fyerjeve ndër më të ulëtat, shpifjeve ndër më të pabesueshmet dhe të deskriditimit të paturpshëm publik, deri te shkalla e linçimit.
Këtë punë, rëndom e bëjnë palaçot nga radhët e kalemxhinjve mediokër dhe “analistëve” të shpifur, të njohur për ngjyerjen në secilin grazhd, të njohur për atë që sipas nevojës ndërrojnë padronë, të njohur për atë që të ndërrojnë besime,dhe të njohur edhe për atë që ndërrojnë emër dhe lëkurë madje!
Të tillët, gjithnjë sipas urdhrave që marrin, ngarendin “t’i kryqëzojnë shpatat” me krijues me autoritet, me shkencëtarë me vepra dhe bagazh shkencor.
Me këtë rast, fjalamanët “zhvlerësojnë vepra”, “diskreditojnë pikëpamje”, e mbi të gjitha, anatemojnë autorët e rëndësishëm me shpifje ndër më të ulëtat, që po të kishte shtet juridik dhe ligj, do të thirreshin në përgjegjësi, bashkë me mediumet që u japin hapësirë, sado që shumë prej tyre, duke vjelë fonde nga vendet perëndimore, krenohen “për frymën demokratike” dhe për “liri mendimi”!
Pra, tirania nuk është rastësi. Ajo kthehet në një të keqe të madhe, çastin që një shoqëri, e cila, në vend se ta mbrojë hapësirën e lirisë bashkë me sistemin e vlerave, heq dorë prej saj!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31